ATUAKKANIK ATORNIARTARFIK

Atuakkanik atorniartarfik

Perorsaanermik Ilinniarfimmi atuakkanik atorniartarfeqarpoq, tassani ilinniakkamut tunngatillugit atuagassiat nassaarineqarsinnaapput.

Atuakkanik atorniartarfik ilinniartunut aammalu ilinniarfimmut attuumassutilinnut isumalluutaalluarpoq.

Atuakkanik atorniartarfik siullertut sullitarivai Perorsaanermik Ilinniarfimmi ilinniartut sulisullu, kisianni aamma inuinnarnik suliffeqarfinnillu isumaginninnermut tunngatillugu suliaqartunik atorneqarsinnaavoq, saaffiginninnikkullu atorneqarsinnaavoq.

Ukuli atuisinnaanermut akueritinniaraanni paasissutissat tunniunneqassapput:

  • Ateq
  • Inuup normua
  • Najugaq
  • Oqarasuaatip normua
  • Suliffik

Atuakkanik atorniartarfimmi atorneq qaammammik ataatsimik sivissuseqartarpoq, kisiannili saaffiginninnikkut sivittorneqarsinnaasarpoq.

Kalaallisut/qallunaatut perorsaanermik tunngassuteqartunik taaguutit

PI/SPS oqaatsinik taaguutinut allattuiffik ineriatortissimavaat, Perorsaanermik taaguutsit kalaallisut nutserneqalersimallutik. Atuagaaraq pisiarineqarsinnaavoq, 75 kr’inik akeqarpoq, nassiutissappallu nassiunnera ilanngullugu akilerneqassaaq. Allaffimmut saaffiginnilluni pisiarineqarsinnaavoq.