ILINNIARFIK PILLUGU

Perorsaanermik Ilinniarfimmi ilinniartinneqartarput perorsaasunngorniat, isumaginninnermi ikiortinngorniat, socialassistentinngorniat aammalu ulluunerani meeqqanik suliniarfiginninnermi ikiortinngorniarneq. Taakku saniatigut ilinniaqqinnissamut ilinniarnerillu ingerlaqqiffiusut pikkorissartitsinerillu neqeroorutigineqarput.

Perorsaasunngorniatut ilinniartitaaneq 70-ikkut qiteqqunneranni aallartinneqarpoq, taamanikkulli ilinniarneq aamma piginnaasat naleqqussarneqarsimallutik, soorlu aamma nuuttarnerit pisarsimasut, pisinnaasat illutallu allisarneqarsimapput. Seminaria 1995-imi Ilulissanut nuunneqarpoq. 2011 januarimi illumut nutaamut kusanartumut nutserpugut, taannalu 2018-imi allilerneqarluni, atortulersuutit nutaaliaasut ilinniarnermi avatangiisinut isumassarsiorfiusinnaasunut sinaakkusiillutik.

Ilinniartitaanerit aqqutigalugit kissaatigaarput ilinniartut ataasiakkaat kivissinnaassallugit tamanut iluaqutaasumik.

Sulissutigaarput unammilligassat aaqqiiviginiarneri sukumiisumik pitsaasumillu suleqatigiinneq aqqutigalugu aammalu sallersaatillugu ammasumik akuersaartumillu peqataalernartumik oqaloqatigiinneq tatiginninneq ataqatigiinnerlu pilersinniassallugit.

Seminariami ilinnialernissamut qinnuteqarniaruit illoqarfigisanni Majoriamut innersuunneqarputit. Suliniutit ataani ilinniakkat pillugit annertunerusumik atuarsinnaavutit

ATUAKKANIK ATORNIARTARFIK

Perorsaanermik Ilinniarfimmi atuakkanik atorniartarfeqarpoq, tassani ilinniakkamut tunngatillugit atuagassiat nassaarineqarsinnaapput.

ATUARUK
ATORFIIT INUTTASSARSIUUSSAT

Atorfiit inuttassarsiuussat marsikkit imaassinnaavormi ilinnut tulluartumik peqartugut.

ATUARUK
ASSIISIVIK

Perorsaanermik Ilinniarfiup assiisiviani assit isiginnaakkit.

ATUARUK