PI/SPS aaqqissugaanera

Perorsaanermik ilinniarfik inuussutissarsiutinut immikkoortunut ilinniarfiuvoq Naalakkersuisut ataaniittoq: Ilinniartitaanermut, Kultureqarnermut Ilageeqarnermullu Naalakkersuisoqarfik.

Perorsaasut suliassaqarfiini ineriartorneq malinnaavigaarput aamma perorsaanermik ilinniartitaanerit kiisalu perorsaanermik suliassaqarfimmi ilinniaqqiffiit ilinniarfinnilu ingerlaqqiffiusut ineriartortinnissaat pillugit suliniutinut aallartisaaniarnernut siunnersuisuulluta. Perorsaanermik Ilinniarfik perorsaanermik ilinniarfinnik allanik Kalaallit Nunaata avataaniittunik suleqatigiinnissamut isumaqatigiissuteqarpoq, taakkunani ilinniartitaaneq pillugu siunnersioqatigiittarneq oqaluuserisassani pingaartinneqarlutik. Taakku saniatigut Kalaallit Nunaanni perorsaanermik suliassaqarfimmik isiginiagaqartunik ineriartortitsinerit ilisimatusarnerillu suleqataaffigalugit

PI/SPS nuna tamakkerlugu ilinniarfiuvoq qitiusumik Ilulissani inissisimaffeqartoq Qaqortumi, Nuummi, Maniitsumi Sisimiunilu immikkoortortaqarfeqartoq. Taakku saniatigut kommunit isumaqatigiissuteqarfigineratigut assersuutigalugu ulluunerani meeqqanik sullissinermi ikiortinngorniarneq ingerlanneqartussanngortarpoq pisariaqartitsinerlu naapertorlugu pikkorissartitsinerit ingerlanneqartarlutik.

PI/SPS-mi siulersuisut 6-nik ilaasortaqarput 3-nillu sinniisuutitaqarluni tassaasut:

• Siulittaasoq, Peter Friese Ilinniartitaanermut, Kultureqarnermut Ilageeqarnermullu Naalakkersuisoqarfimmit toqqarneqarsimasoq.
• Siulittaasup tullia, Sivso Dorph Avannaata Kommunianut sinniisutut toqqarneqarsimasoq
• Siulersuisunut ilaasortaq Joa N. Holm Ulloq unnuarlu paaqqinnittarfiit forstanderiisa peqatigiiffianut sinniisutut toqqarneqarsimasoq
• Siulersuisunut ilaasortaq Poul H. Jørgensen KANUKOKA-mut sinniisutut toqqarneqarsimasoq
• Siulersuisunut ilaasortaq Naussunguaq Bisgaard NPK-mut sinniisutut toqqarneqarsimasoq
• Siulersuisunut ilaasortaq Beate Hendriksen SIK-mut sinniisutut toqqarneqarsimasoq
• PI/SPS-imut Rektori Nuka Kleemann
• Ilinniartitsisoq Benedikte Petersen Løvstrøm PI/SPS-imi ilinniartitsisunit aamma teknikikkut allaffimilu sulisunit toqqarneqarsimasoq
• Perorsaasunngorniatut ilinniartoq Solveig Stigsdottir PI/SPS-imi ilinniartunit toqqarneqarsimasoq.