Paasissutissat:

Ulluunerani meeqqanik sullissinermi ikiortinngorniarneq perorsaanermut tunngasunik ilinniarfiuvoq siammasissoq sivikinnerusumik ilinniarfigineqarsinnaasoq imaluunniit meeqqeriviliortoqarnerani ilinniarfigineqarsinnaasoq ilinniarneqanngitsunut ulluinnarni meeqqanut sullissisunut. Meeraaqqerivinni, meeqqerivinni aammalu ulluinnarni paaqqinnittarfinni sulisunut neqeroorutigineqarpoq Kalaallit Nunaanni inatsisit ulluinnaanerani meeqqanik sullisinermut aammalu sulisinnaanermut piumasaqaatit malillugit.
Ilinniakkap siunertaraa ilinniartut inuttut sulinermilu ulluinnarni meeqqanik sullissisinnaanermik piginnaasaqalernissaat.

Piumasaqaatit

Ilinniakkamut akuerisaanissamut piumasaqaataavoq qinnuteqartoq:

  • Qinnuteqartoq minnerpaamik 18-nik ukioqassaaq
  • minnerpaamik misilitsinnermi kalaallisut 4-mik karaktereqarneq (13-skala malillugu 7) kiisalu qallunaatut karakteri 02 (13-skala malillugu 6)
  • aallarniutaasumik pikkorissarnermut akuerisaasumik naammassinnissimasut, soorlu Majoriami, tassanilu takutitsilluarsimaneq
  • suliffigisinnaasat uppernarsarneri. PI/SPS tamakkua immikkut akuerisinnaammagit.

Meeqqamut pinerliisimannginnermut kiisalu pinerluttuliorsimannginnermut uppernarsaat socialassistentitut ilinniakkamut qinnuteqartunit tamanit akuerisaasunit pineqassaaq.  Pinerlussimannginnermik allagartanik unioqqusitsisimannginneq pillugu nalilersuisoqartarpoq ilinniakkamut akuerisaanissaq eqqarsaatigalugu.

Ilinniakkap sannaa aaqqissugaaneralu

Ilinniarneq modulikkaarluni siammasissumik aaqqissungaavoq, illoqarfinni Upernavimmi Tasiilamilu pisariaqartitat eqqarsaatigalugit neqeroorutigineqartoq. Ilinniakkami minnerpaamik 11-nik aallartittoqarnissaa piumasaqaataavoq. Ilinniarneq qaammatinik qulingiluanik sivisussuseqarpoq modulinik arfinilinnik imaqarluni, taakkunani tallimat nunap ilaani (region) pisarput kingullerlu Ilulissani SPS-imi.

Modul tamarmik immikkut 5-7 missaani atuartitsiffiupput; atuarfimmi, sungiusarluni, eqimattakkaarluni, case-mik suliaqarluni aammalu ilinniartitsineq oqaloqatigiinnertalimmik. Perorsaasutut teorit periutsillu pillugit ilinniartitsisoqartarpoq ulluinnarni meeqqanik sullissinermut tulluuttunik, kalaallit isumaginninnermut politikkianut iliuuserineqartartunut taakkununngalu pilersitsiniarnermut tunngasunik.

Naggasiisumik ilinniartitsineq inaarutaasumillu misilitsinneq Ilulissani PI/SPS-imi pisarpoq, ataasiakkaarluni oqaluttariarsorluni kalaallit naliliisariaasianik (GGS) silataaneersunik censorilerluni inaarutaasumik misilitsittoqartarluni.

Inaarutaasumik misilitsinneq ilinniarnerup naggataavaniiissinaavoq imaluunniit immikkut ullulerneqarluni PI/SPS Ilulissani ingerlanneqarluni.

Fagit misilitsinnerillu pillugit Ilinniartitaanerup aaqqissuussaanerata ataani takusinnaavatit.

suliffissat ingerlariaqqiffissallu

Ulluunerani meeqqanik sullissinermi ikiortitut perorsaanermut tunngasunik suliaqartassaatit kiisalu inunnik isumaginninnermut suliassat perorsaasut suleqatigalugit, kisiannili nunaqarfinni nunanilu avinngarusimanerusuni sullissisoqarpianngittuni ilinniarnikut ilinniarsimasunik siunnersornissaqaratik sulisinnaapput kommunilli perorsaasutut sulisui suleqatigissallugit.

Nammineerluni sulisinnaasariaqarpoq akisussaassuseqarlunilu, paasinnissinnaalluni nammineerluni aalajangersinnaalluni kiisalu suleqatigiissinnaalluni. Ulluunerani paaqqinnittarfinni ulluunerani meeqqanik sullissisutut ikiorti sinaakkuseeqataallunilu meeqqat pinnguarnissaannik ineriartornissaannullu periarfissiisassaaq. Meeqqat akornanni aammalu meeqqap sulisullu pinnguaqatigiinneranni sinaakkusiisassalluni.

paasissutissat

Aningaasaqarneq: Ilinniartoq ilinniagaqarnersiutinik qinnuteqarsinnaavoq Ilinniagaqarnersiuteqartitsivimmut (USF). Ilinniagaqarnersiutit pillugit naammagittaalliornerit Ilinniagaqarnersiuteqartitsivimmut nassiussinnaavat.
Inersimasutut Ilinniarnermi kursusernermut taartisiannassinnaaneq periarfissaavoq.

PI/SPS-ip ilinniarneq, ilinniartitsiffiit kiisalu ilisimasariaqakkat aaqqissuuttarpai. Ilinniarfik atuisunut akiliussineq ajorpoq kisialli PI/SPS-ip ilinniarnermut tunngasut aningaasartuutit; angalanerit, ilinniarnermut atatillugu najugaq, misilitsinnerit kiisalu ilinniartitsinermi atortussat akilertarpai.

attavissat

Ilinniarneq pillugu paasisaqarnerorusukkuit uku attavigisinnaavatit:

Ilinniakkami immikkoortortami pisortaq attavissat ataaniittoq attavigiuk.

Allaffilluunniit attavigiuk:

Telefon: +299 38 35 50

E-mail: allaffik@pi.sps.gl

Allaffik ammasarpoq 8.00 – 16.00, tallimanngorneq 8.00 – 13.30

Juulilli ilaani matoqqanngikkuni ammanikinnerussaaq

qinnuteqarneq

Ulluinnarni meeqqanik sullissinermi ikiortitut ilinnialernissamut qinnuteqarusukkuit, illoqarfinni Majoriaq aqqutigalugu qinnuteqarsinnaavutit. Kingusinnerpaamik qinnuteqarfissaq tassaavoq 1. marts. arts tigoreersimassavaa

ILINNIARNISSAMUT QINNUTEQARIT

1. marts kingorna nalilersorneqartarpoq qinnuteqartunit holdiliortoqassanersoq. Holdiliornissamut qinnuteqartut naammalersimanngippata qinnuteqarnikut allagaqarnikkut allaffigineqartarput suli soqutiginninnersut. Taamaattumik aalajangersimasumik qinnuteqarnissamut killerititaqaranilu aallartiffissamik ulloqanngilaq, neqeroorulli atorfissaqartitsinikkut ilaasussallu amerlassusaannit, tassa minnerpaamik qulit, holdimik aallartitsisoqartarpoq.

Allakkatigut nalunaarutigineqartarpoq holdiliortoqarsinnaanngoraangat – PI/SPS-imi ilinniartunut allaffimmut saaffiginninnissarnut tikilluaqqusaavutit.

Paasissutissat naatsut:

  • Ilinniarnerup sivisussusaa: Qaamm. 9 
  • Qinnuteqarfissaq kingulleq: 1. marts (Majoriaq aqqutigalugu)
  • Aningaasarsiat: Ilinniagaqarnersiutit

Studieordninger & andre dokumenter:

Privacy Settings
We use cookies to enhance your experience while using our website. If you are using our Services via a browser you can restrict, block or remove cookies through your web browser settings. We also use content and scripts from third parties that may use tracking technologies. You can selectively provide your consent below to allow such third party embeds. For complete information about the cookies we use, data we collect and how we process them, please check our Privacy Policy
Youtube
Consent to display content from - Youtube
Vimeo
Consent to display content from - Vimeo
Google Maps
Consent to display content from - Google