Ilinniakkamut akuerisaanissamut piumasaqaataavoq qinnuteqartoq:

• Meeqqat atuarfiannik naammassinninnermi minnnerpaamik kalaallisut karakteri 4 qallunaatullu karakteri 02 pissarsiarisimanissai
• allattariarsorluni kalaallisut qallunaatullu sunngiffimmi atuartitsinermi kalaallisut qallunaatullu peqataasimaneq, minnerpaamik kalaallisut karakteri 4 qallunaatullu karakteri 02 pissarsiarisimanissai
• Aallarniutaasumik pikkorissarnermut akuerisaasumik naammassinnissimasut, soorlu Piareersarfik/Majoriami, tassanilu takutitsilluarsimaneq
• Qinnuteqartut inulerinninnermut tunngasuni misilittagallit piumaneqarnerupput

Akuerisaanermi pinerlussimannginnermut allagartaq tunniunneqassaaq. Ilinniakkamik akuerisaaniaraanni pinerlussimanngittariaqarpoq. Siulersuisut pinerlussimannginnermik allagartanik nalilersuisarput aallartinnissaq imaluunniit akuerisaanerup unitsiinnarnissaa pillugu

Ilinniarfik neqeroorutigineqartarpoq ilinniarfeqarfinni Ilulissani, Maniitsumi Nuummilu, taakkunanilu ilinniarfeqarfinni immikkut ilinniartut 25 tigusarpaat. Najugaq toqqammaviulluni sumi ilinniarfeqarfimmi akuerisaanissaq apeqqutaasarpoq. Sumiiffiliunneqartoq ilinniarfeqarfinni PI/SPS-imilu isumaqatigiissutigineqartarpoq. Ilinniarfeqarfiit Ilulissani Maniitsumilu aggustimi aallartittarput, Nuummilu januaarimi. Ilinniarneq ukiunik marlunnik sivisussuseqarpoq ilinniarnermilu sap. ak. 49 atuagarsorfiusarlutik sap. ak. 47-illu isumaginniffiup iluani suliffimmik misiliiffiusarlutik.

Ilinniarneq tallimanut agguataarneqarnikuuvoq:

• Atuagarsorneq siulleq: Ilinniarfeqarfimmi (RES) sap. ak. 12-ini
• Suliffimmik misiliineq siulleq: sap. ak. 16-it Nuummi kiisalu sap. ak. 17-it
• Atuagarsornerup aappaa: Ilinniarfeqarfimmi (RES) sap. ak. 16-it Nuummi kiisalu sap. ak. 17-it Ilulissani Maniitsumilu nalliuttorisornerit peqqutaallutik
• Suliffimmik misiliinerup aappaa: sap. ak. 30-it
• Atuagarsornerup pingajussaa: sap. ak. 20-it ilinniarfeqarfimmi PI/SPS i Ilulissat

Suliffimmi misiliinerit marlunnut avinnikuupput suliffimmilu misiliiffimmi ataasiinnarmi ingerlanneqartarlutik

Atuagarsornerup suliffimmillu misiliinerup sivisussusaa apeqqutaasarpoq qaqugukkut ilinniartoq aallartissimanersoq, taamaattumik atuagarsorneq suliffimmillu misiliineq ullui illuartinneqarsinnaapput nalliuttorsiornerit allallu sulinngiffiusut peqqutaallutik.

Ukiumut ilinniartoq sap. ak. tallimanik sulinngiffeqarsinaatitaavoq. Aasakkut sulinngiffeqarfimmi julimi sap. ak. pingasut pisarpoq. Sap. ak. marluk sinneruttut suliffimmik misiliinerup nalaani ilinniartup suliffimmillu misiliiffiup isumaqatigiissusiorneranni.

Suliffimmik misiliineq marlunnut avinneqarnikuuvoq suliffimmilu ataasiinnarmi misiliisoqartarluni ilinniarnerup ukiut marluusup ingerlanerani. Sap. ak. 17-it kiisalu sap. ak. 30-it. Ilinniartoq sap. akunneranut 36 paaqqinnittarfimmittarpoq sap. akunneralu allortarlugu praktikvejleder naapittarlugu. Sinneruttut 4 tiimit ilinniartup nammineerluni misissuinerminut allattariarsorlunilu suliaqarnerminut atuarnerminullu atussavai, periarfissaapallu studiegruppeminut.

Suliffimmik misiliinermi atuagarsornermisuulli aningaasarsiffigineqartarpoq.

Suliffinnik misiliinermi sammisat pingaarnerit ilagai; isumassuineq, sulineq, ikiuineq kiisalu perorsaanermut tunngasunik suliaqarneq. Aammalu ilinniartup attaveqaqatigiinneq, suleqatigiittariaatsit kiisalu paaqqinnittarfimi suliassat nammineq suleqateqarluniluunniit naammassisinnaanissai.

PI/SPS-ip suliffimmik misiliinissaq aaqqissuuttarpaa akisussaaffigalugulu ilinniartumut tulluuttumik suliffissaqarnissaa misiliiffigisinnaasaanik. Taakkua ilagaat ulluinnarni paaqqinnittarfiit; meeraaqqeriviit, meeqqeriviit, atuareernerup kingorna paaqqinnittarfiit, fritidsklub assingisaalu, kiisalu ulloq unnuarlu paaqqinnittarfiit, soorlu innarluutillit inaat, najugaqatigiiffinni, utoqqaat illuanni, perorsaavinni asssingisaannilu.

PI/SPS RES suleqatigalugu akisussaaffigivaa atuagarsorneq, suliffimik misiliineq, pikkorissartitsineq aammalu praktikvejledereqarneq.

Suliffimmik misiliineq pillugu paasisaqarnerusinnaavutit Ilinniartitaanerup Aaqqisuussaanerani

Isumagininnermi ikiortitut ilinniartut qitiusumik ilinniarfimmi ilinniartut ineqarfianni Marralinnguaq-miittarput, ataasiakkaarluni inigineqartartuni. PI/SPS meeqqanut ilaquttanulluunniit inissaqartitsinngillat.

Ilinniartut Ineqarfiini paasisaqarnerugit

Ilinniarneq praktikkernerluunniit pillugit paasisaqarnerorusukkuit uku attavigisinnaavatit:

Studielederi suliffimmi misiliinermi ataqatigiissaarisoq:

Lena M. Fly

E-mail: lena@pi.sps.gl

oqarasuaat toqqaannartoq: +299 38 35 65

Allaffilluunniit attavigiuk:

Oqarasuaat: +299 38 35 50

E-mail: allaffik@pi.sps.gl

Allaffik ammasarpoq 8.00 – 16.00, tallimanngorneq 8.00 – 13.30

Juulilli ilaani matoqqanngikkuni ammanikinnerussaaq

Isumaginninnermi ikiortitut ilinnialernissamut qinnuteqarusukkuit, illoqarfinni Majoriaq aqqutigalugu qinnuteqarsinnaavutit. Kingusinnerpaamik qinnuteqarfissaq tassaavoq 1. marts. , Nuummi januaarimi ilinniagaq aallartinniaraluarukkuluunniit

ILINNIARNISSAMUT QINNUTEQARIT

Ilulissani Maniitsumilu ilinniakkamut akuerisaaniaraanni akissutissap/allakkap/mail ilinniarnerup aallartinnissaanut qaammat ataaseq sioqqullugu pissarsiarinissaa naatsorsuutigissavat. Nuummi ilinniakkamut akuerisaaniaruit, akissutissap/allakkap/mail aggustimi tigunissaa naatsorsuutigissavat. Piffissami taaneqartuni tusagaqarsimanngikkuit ilinniartut allaffeqarfiannut saaffiginninnissannut tikilluaqqusaavutit.