Najugaq qimannagu perorsaanermik ilinniarneq

Najugaq qimannagu perorsaanermik ilinniarnerup Kalaallit Nunaanni socialpædagoginik ilinniartoqarnissaanut pisariaqartitaqartunik naammassinnissinnaanissamut periarfissiissaaq

Najugaq qimannagu perorsaanermik ilinniakkap aaqqissuussaanera |

Maannakkuungallartoq Najugaq qimannagu perorsaanermik ilinniakkap aaqqissuussaanera ilaatigut inatsisit nutaat ilinniaqqinnissamut tunngasut pillugit nutartigassanngoqqavoq.

Ilinniaqqinnissamik neqeroorut suliarineqarpoq ilimagineqarlunilu ullup ilaannaani ilinniarfittut Kalaallit Nunaanni ullukkut aammalu ulloq unnuarlu paaqqinnittarfinni perorsaasutut sulinissaq siunertaralugu akuerineqassasoq.

Akuerineqariarpat qinnuteqartoqarsinnaanngussaaq. (Maana facebooksidetsinnilu malinnaagit)

Najugaq Qimannagu Perorsaanermik Ilinniarneq

Najugaq Qimannagu Perorsaanermik Ilinniarneq (DPU kalaallisut NQPI)-p Kalaallit Nunaanni Perorsaanermik Ilinniartunik pisariaqartitsineq matussuserniarneranut periarfissaavoq.

Najugaq Qimannagu Perorsaanermik Ilinniarneq Perorsaanermik Ilinniarnermiik allaanerussutigivaa Isumaginninnermik Ikiortitut ilinniakkalinnut ulluinnarni aammalu ullukkut unnukkullu paaqqinnittarfinni ukiuni amerlanerusuni misilittagalinnut ingerlariaqqiffiummat. Najugaq Qimannagu Perorsaanermik Ilinniarniaraanni suliffigisaq suliffigiinnartariaqarpoq.

piumasaqaatit

Ilinniakkamut akuerisaanissamut piumasaqaataavoq qinnuteqartoq:

  • Isumaginninnermi Ikiortitut ilinniakkamik naammassinnissimassaaq
  • Minnerpaamik ukiut marluk perorsaanermut tungasumik paaqqinnittarfinni sulisimassaaq
  • Perorsaanermut/isumaginninnermut tunngasumi sulilernissamut isumaqatigiissut ilinniarnerup ingerlanerani pisoq

Qinnuteqartup uppernarsassavai piumasaqaatit akuerineqarumalluni misilitsinnermini, tassani allaatigisamik, casemik apeqqummillu allattariarsorluni 5 time iluani akisassanik pissapput.

Allaatigisat tunngavigalugit oqaloqatiginnissummik aggeqqusaassapput. Qinnuteqartup ilisimasai, pikkorissusaa piginnaasaalu nalilersorneqassapput.

Qinnuteqartuni piukkunnaatillit ilinniarnissamut inissaniik ikanneruppata piukkunnarnerit akuerisaassapput. Utaqqisut allattorsimaffii malilllugit qaammatip iluani taamaatittoqarpat aallartittoqartarpoq.

Ilinniakkap sannaa aaqqissugaaneralu

DPU/ NQPI Ukiuni pingasuni meritserluni ilinniarfiuvoq isumaginninnermi ikiortitut ilinniagalinnut neqeroorutigineqartartoq Kommune Kujallermi, Qeqqata Kommuniani aammalu Kommuneqarfik Sermersuumi. Ukiut pingasukkaarluni kommunikkaarluni ilinniartoqartarpoq. Minnerpaamik ilinniartut 15 aallartittarput 20-llu tungaanut ilinniartoqarsinnaasarluni. Ilinniarneq semesterinut arfinilinnut avinneqarnikuuvoq, taakkunani sap. ak. 13-it suliffimmik misiliiffiusarlutik suliffimmi allami pisarluni ilikkagaqarnissaq anguniarlugu.

Isumaginninnermi ikiortitut ilinniareersimasunut ilinniarfigineqartarpoq, tassani ilisimariikkat annertusarniarlgit. Ilinniarnermi misilitsinnerit assigiinngitsut atorneqartarput. Eqimattakkaarluni kisimiillunilu misilitsittoqartarpoq aammattaaq allattariarsorluni imaluunniit oqaluttariarsorluni kiisalu taakkua akuleriisillugit misilitsittoqartarluni. Semester kingullermi immikkut itsumik aalajangersimasumik perorsaanermut tunngasumik allattoqartarpoq kingusinnerusukkut oqaluttariarsornertaqartussamik. Allattariarsorneq oqaluttariarsornerlu ataatsimut isigineqartarput avataaniik censoreqarnermi. Atuartitsineq atortullu kalaallisut ingelasarput, qallunaatulli teoreeqarsinnaasarlutik, ilaatigullu annikitsumik tuluttut norskisullu ilaasarlutik.

Qaqugukkut aallartinneq (ukiakkut, upernaakkut) apeqqutaalluni semesterip takissusaa imak isikkoqarsinnaavoq:

NQPI/ DPU anguniagarivaa ilinniartut perorsaanermut inooqatigiinnermullu tunngasut suliarisinnaalersinnaanissaannut. Ilinniartut paasinnissinnaalerlutik, ilisimasaqalerlutik pikkoriffigilersimassavaat isumaginninnermi sulineq qanoq issinnaanersoq.

SULIFFIMMIK MISILIINEQ MISILIIFFISSALLU

Suliffimmik misiliineq sap. ak. 16 ingerlasarpoq, taakkunani sap. ak. Suliffimmik misiliiffimmi pisarluni. Taassamap saniatigut sap. ak. marluk piareersarnermut atorneqartarpoq, sap. ak. eqikkaanermut, ilisimalikkanut avitseqatigiinnermut aammalu naliliinermut atorneqartarlutik. Suliffimmi misiliinerup nalaani allattariarsortoqassaaq.

Suliffimmik misiliinerup siunertaraa ilinniartup

– nammineerluni allallu ikioqatigalugit perorsaanermik suliaqarnermini katersilluni, suliaqarluni aammalu ilisimasani misilittakkanilu atorlugit perorsaanermut tunngasut suliarisinnaalissagai

Immikkut ittunik suliffimmik misiliinermi piumasaqarpoq

– ilinniartoq praktikaftale eqquutsissavaa, aammalu ulluinnarni suliffimmi misiliiffimmi sulinermi peqataasussaatitaalluni

– ilinniartoq praktikvejledereqassaaq ilinniarnikumik, taassumallu suliffimmik misiliineq akisussaaffigissavaa

– PI/SPS-ip suliffimmi misiliinermi siunnersuiuartoqartassasoq isumannassavaa

– suliffimmik misiliinermut atatillugu ilinniartup inuttut aammalu suliatigut anguniagaqassaaq, taakkualu suliffimmi misiliinermi akisussaasup ilinniartitsisup akuerissavai

– suliffimmi misiliinermi akisussaasup ilinniartitsisup ilinniartoq attaveqaqatigiuarnissaa. Pulaarnermi anguniagarineqartut anguneqarsinnaanersut qularnaarneqassapput

Praktikvejledningi

Suliffimmi misiliiffiup aqutsisuisa akisussaaffigissavaat suliffimmik misiliisup siunnersorneqartarnera anguniagaanut ataqatigiinnersoq. Naliginnaasumik malitassat praktikvejederiusussamut suliffeqarfiup aqutsisuata tunniuttarpai. Praktikvejleder ilikkarniarnermut, misilittagaqarnermut tarrarsorsinnaanermullu anguniakkanut pinngitsoorneqarsinnaanngilaq. Allaaserisassaq eqqarsaatigalugu ilinniartup nammineerluni akisussaaffigissavaa. Praktikvejlederip siunnersorsinnaavaa oqaloqatigalugu suna pillugu allaaserinnissinnaanersoq.

suliffissat ingerlariaqqiffissallu

Ilinniakkamik naammassinnereernermi ukunani atorfininniarsinnaavutit:

  • Ulluunerani paaqqinnittarfinni
  • Ullukkut unnuakkullu paaqqinnittarfinni
  • Atuarfinni
  • Pinerluttunik isumaginnittoqarfimmi
  • Piginnaasakinnerusut akornanni sullissineq*

PAASISSUTISSAT

Ilinniartup akuerisaareernermini nammineerluni ilinniartut ineqarfinnut qinnuteqartarpoq. Ilinniartut ineqarfiinut qinnuteqarsinnaavutit SUNNGU.gl aqqutigalugu

Aningaasarsiat:

Tunngaviuvoq ilinniartup suliffini attatiinnassagaa ilinniarnermi nalaani. Taamaanngippat ilinniarnermi SU-qarnissaq periarfissaavoq, taakkulu Majoriamut qinnutigineqarsinnaapput.

ATTAVISSAT

Ilinniarneq praktikkernerluunniit pillugit paasisaqarnerorusukkuit uku attavigisinnaavatit: (Tassanngaanniit ingerlateqqinneqarumaarputit)

Pqarasuaat: +299 38 35 50

E-mail: allaffik@pi.sps.gl

Allaffik ammasarpoq:

Ataas, marlunng, sisama; 8.00-15.00
Pingasunngorneq; Lukket
Tallimanngorneq 8.00-12.00
Arfininng, sapaat kiisalu ullorsiorfinni matoqqasarpoq ;

Juulilli ilaani matoqqanngikkuni ammanikinnerussaaq

QINNUTEQARNEQ

PI/SPS attavigiuk aallartittussat pillugit apeqqutissaqaruit. Tunngaviusumik kommunekkaarluni ataasiinnarmik ilinniarfeqartarpoq, imaappoq ukiut pingasukkaarluni aallartinissaq periarfissaasarluni.

PAASISSUTISSAT NAATSUT:

SIVISUSSUSAA: Ukiut 3

PIUMASAQAATIT AKUERISAANERLU:

  • Isumaginninnermi Ikiortitut ilinniarsimaneq,
  • Ukiut marluk perorsaanermut tunngasumik paaqqinnittarfinni sulisimaneq
  • Perorsaanermut/isumaginninnermut tunngasumi sulilernissamut isumaqatigiissut ilinniarnerup iluani pisoq

QINNUTEQARFISSAQ KINGULLEQ: Suli naluneqarpoq Ilinniagaqrnermik Aqqissuusssaq nutaaq utaqqineqarmat. Piareerpat tamaani FB-milu nalunaarutigineqassaq.

ANINGAASARSIAT: SU

ILINNIAGAQARNERMIK AAQQISSUUSSAQ maannakkut ilinniartut atugaat: UANI TAKUUK

ILINNIARTUT INEQARFII: UANI QINNUTEQARIT

Attavigisigut
  • Marralinnguaq 40 & 40B
    Postboks 519
    3952 Ilulissat

    GLN.nr.
    5790001953799
  • allaffik@pi.sps.gl
  • +299 38 35 50
  • Ataasinngorneq, Marlunngorneq, & Sisamanngorneq; 8.00-15.00
    Pingasunngorneq; Matoqqavoq
    Tallimanngorneq; 8.00-12.00
    Arfininngorneq, Sapaat & Sapaassuit; Matoqqavoq
  • Najugaq Qimannagu Perorsaanermik Ilinniarfiisa Immikkoortortaqarfii
  • Sisimiut:
    Makkorsip Aqq 8; Postboks 3029; 3911 Sisimiut
  • Maniitsoq:
    Esbjergip Aqq 7; 3912 Maniitsoq
  • Nuuk:
    Nuukullak 4C; 3900 Nuuk
  • Qaqortoq:
    Skolevej B-238; 3920 Qaqortoq
  • Privacy Settings
    We use cookies to enhance your experience while using our website. If you are using our Services via a browser you can restrict, block or remove cookies through your web browser settings. We also use content and scripts from third parties that may use tracking technologies. You can selectively provide your consent below to allow such third party embeds. For complete information about the cookies we use, data we collect and how we process them, please check our Privacy Policy
    Youtube
    Consent to display content from Youtube
    Vimeo
    Consent to display content from Vimeo
    Google Maps
    Consent to display content from Google