Perorsaasumut ikiortitut Inuutissarsiummik  ilinniagartuutut  ilinnialernissamut
akuerineqarnissamut qinnuteqartumut piumasaqaataapput:

• ilinniarnertuutut naammassisimanissaq soorlu assersuutigalugu GUX-imi, HTX-imi
  imaluunniit assigisaanik, imaluunniit
• isumaginninnermut sammisumik inuutissarsiummik ilinniagaqarsimanissaq, soorlu assersuutigalugu isumaginninnermi ikiortitut, socialassistentitut, peqqissaanermi
  ikiortitut imaluunniit siunnersuinermi ikiortitut, imaluunniit meeqqat atuarfianni inaarutaasumik misilitsinnerup saniatigut allap ilinniartitaanerup attuumassuteqartup akuerisaasullu naammassisimanissaa, soorlu assersuutigalugit isumaginninnermi perorsaanermik suliaqarnerup iluani, attaveqatigiinnermik, oqaloqatigeeriaatsit pillugit imaluunniit assigisaannik pikkorissarnerit sivisunerusut, aamma
• ilinniarnissamut pilersaaruteqarnissaq, tassunga ilagitillugu ukiuni 2-ni isumaginninnermi perorsaasutut suliffimmi ullukkut imaluunniit ulloq unnuarlu paaqqinniffimmi PI/SPS-ip akuerisaani sungiusarluni sulinissamut isumaqatigiissuteqarnissaq.

Perorsaasumut ikiortitut Inuutissarsiummik ilinniagartuutut ilinniarneq 120 ECTS-point- inut annertussusiligaavoq. Ilinniarneq immikkoortunut 4-nut agguarsimalluni ukiuni 2-nik sivisusseqarpoq, tassani paarlakaanneqarlutik suliffimmi sungiusarneq aamma modulini ilinniarnerit pilersaarutaareersut.
Inuutissarsiummik ilinniagartuutut ilinniarneq suliffimmi sungiusarnerit aammalu modulini ilinniarnerit paarlakaanneqarnerinik aaqqissuussaammat,  naatsorsuutigineqarpoq ilinniartoq ilinniartuunini tamakkerlugu perorsaanermik suliffeqarfimmut attuumassuteqassasoq.

Ilinniarnermut atatillugu suliffimmi sungiusarneq ilinniartup piviusumik sunigusarnissaanut aamma periutsinik misileraanissaanut sinaakkutaavoq, soorluttaaq sungiusarneq tassaasoq ilinniartup nammineerluni perorsaanermik suliamik aammalu suliassaqarfimmi atuisuusunik misissuinera. Tamakkua immikkoortut allattariarsorluni suliassani sammineqassapput, modulit akornanni suliffimmi sungiusarnermut attuumassuteqartut aammalu ilinniartitaanerup akornani perorsaanermik suliatut ataatsimoorullugu nalilerneqartut 30 ECTS-inik.

Ilinniakkamik naammassinnereernermi ukunani atorfininniarsinnaavutit:

• Ulluunerani paaqqinnittarfinni
• Ullukkut unnuakkullu paaqqinnittarfinni

Hvis du vil have mere at vide om uddannelsen, kan du kontakte kontoradministrationen på: (Herfra vil du blive viderestillet til de rette personer)

Telefon: +299 38 35 50

E-mail: allaffik@pi.sps.gl

Perorsaasumut Ikiortitut ilinnialernissamut qinnuteqarusukkuit, illoqarfinni Majoriaq aqqutigalugu qinnuteqarsinnaavutit. Kingusinnerpaamik qinnuteqarfissaq tassaavoq 1. marts.

ILINNIARNISSAMUT QINNUTEQARIT

Ilinniarnerup aallartinnissaa qaammat ataaseq sioqqullugu akissutissap/allakkap/mail pissarsiarinissaa naatsorsuutigissavat – piffissami tassani tusagaqarsimanngikkuit ilinniartut allaffeqarfiannut saaffiginninnissannut tikilluaqqusaavutit.