PI/SPS-mi Ilisimasaqarfik

Piginnaasanik Ineriartortitsiviup sulisunut pikkorissarnerit perorsaanerup iluaniittut isumagisarpai. Taassumap saniatigut aamma pikkorissanerit suliffeqarfinnit, Majoriamit kommunemiillu piumaneqartut ingerlattarlugit. Pikkorissanerit suussusikkaarlugit aningaasalersorneqartarput – taanna uani ataani atuarsinnaavat.

Pikkorissarnerit assigiinngitsut piginnaasanik ineriartortitsiviup ingerlattagai suleqateqarlutik ingerlattarpaat. Taakkunani VIA UC Pædagoguddanselse Jysk kiisalu Peter Sabroe og UC Syd. Suleqatigiinnermi pissarsiaqarluartoqartarpoq pikkorissanermi ilinniartitsisut immikkut ilisimasallit pissarisarineqartarmata.

Ilisimasaqarfik august 2020-mi pilersinneqarpoq imaralugillu ilisimasanik katersineq, inerisaaneq siammarterinerlu isumaginninnerup iluani. Siunertaavoq Nalakkersuisut Kommunellu piviusoq tunngavigalugu pinaveersaartitsinerannut suliniuteqarnissamullu iliuuseqarnerannut tapersiinissaq. Aammattaaq nammineq iliuuseqarnikkut suleqatigiinnikkullu sunniutillit allat paasillugillu inerisarnissai, pitsanngorsarnissai perorsaanermullu tunngasut nalilersornissai siunertaalluni. Aammattaaq ilisimatusarfiup perorsaanikkullu suliat tapersernissaat, ineriartornerannut pitsanngorsarnissaannullu PI/SPS-imi suliarisarpai.

Socialpædagogik og Socialt arbejde-mut ilisimasaqarfik PI/SPS ataani immikkoortuuvoq – Socialpædagogisk Seminarium ilisimasaqarfiup anguniagaanut suliatigullu piginnaasat tungaatigut Kalaallit Nunaat tamalaanut ilisimatusarfittut inissimavoq

ILISIMASAQARFIMMI ANGUNIAKKAT

Ilisimasaqarfiup maannakkumut anguniagai

  1. Pinaveersaartitsinissamut iliuuseqarnissaq piviusut toqqammavigalugit, ilisimasalittut toqqammaveqarluni kiisalu taakku atortussanngortinnerannut naliliinissamullu tapersiineq.
  2. Perorsaanermik ilinniakkat suliffinnillu misiliiffiit inerisarniarlugit, ilinniartut ilinniartitsisullu piginnaasai nukittorsarlugit, aammalu serminariami ilinniartitsisut perorsaanerup iluani ineriartornermi ilisimatusarnermilu misissuinermi peqataasikkumallugit. Aammattaaq perorsaanermi ilisimatusarnerit ineriartornissamullu suliat naalakkersuisunut, kommuninut aammalu ulluunerani taavalu ulloq unnuarlu paaqqinnittarfinnut.
  3. Perorsaanikkut suliaqarnikkut attaveqaqatigiisitsilluni assigiinngitsutigut suleqatigiinnermi peqataanermi nukittorsaaneq.
  4. PI/SPS-ip pikkorissaaneranut ilinniaqqiffiinilu sammisaqartitsinermi tapersiineq, taakkua ineriartortinnissai qaffasissumik internationalimillu niveaueqalernissaat inerisarniarlugit taperserpai, piviusut malillugit arriitsumik ingerlasumik.

SULEQATIGISAT

Ilisimatusarfik PI/SPS-ip VIA University College Århus aalakkaasumik suleqatigalugu ingerlappaa. MIPI aamma suleqatigilernikuuarput. Ilaasortat allat qaaqquneqarsinnaapput ad hoc-itut imaluunniit misissuinermi ineriartortitsinermilu suliani. Ilisimatusarfik FORSA Danmark og samt UA (University of Arctic)-mut atavoq.

ILISIMASAQARFIMMI MAANNAKKUT INGERLANNEQARTUT

Siullermik ilisimasaqarfik programminik pingasunik pilersitaqarpoq. Programmit imak qulequtaqarput:

  1. Meeqqanut inuusunullu tunngasoq, tassanilu meeqqanut, inuusuttunut ilaqutariinnullu suliniuteqarneq siusissoq
  2. Innarluutillit kiisalu inuunermikkut atungarsiortut imaluunniit immikkoortinneqartut/ajattugaasut
  3. Ineriartortitsinermut suliniutit perorsaanerullu iluani iliuutsinik ineriartortitsineq

Ilisimasaqarfiup programmii isiginnittaatsimik pitsaaliuniarnermut kiisalu katsorsaanermut misissuinermut naliliinissamullu aqqutissiuissapput. Taamatuttaaq isumaginninnermut inooqatigiinnermullu ineriartortariaatsit allannguutillu inulerinermut pissutsinut suliaqarnermullu tunngasut eqqumaffigineqarnissaat.

Anguniagaq siulleq tassaavoq 2011-p ingerlanerani ilanngutassiamik suliniummillu databaseqalernissaa, inuiaqatigiilerinermi inulerinermilu teoriit periutsillu ilisimasat ineriartortinniarlugit Kalaallit Nunaannilu immikkut soqutiginaateqarsinnaasut ilinniartunut inulerinermi suliffissatut misiliiffigineqarsinnaaneri. Aammattaaq sulissutigineqassaaq allaaserisat katersatut suliaq, qulequtaralugu: “Socialpædagogik i Grønland med udgivelse i foråret 2012”.

SIUNISSAMI SULIASSAT

Isumaginninnikkut ajornartorsiutit nunat avannarliit assigalugit inuunermi atukkat kiisalu nunap inissisimaffia, silaannaq aaqqissugaaneralu pillugit ataqatigiittariaqarput. Piniartut aalisartutut inuunermiik suliffissuaqalerneranut sullissinermilu ukkatarinninnerulernermut ikaarsaarneq kalaallit ilitsoqqussaannik ulluinnarnilu inuunerisaannik eqquivoq kiisalu inuuniarnermut unammillersitsilluni.
Taamatuttaaq silaannaap allanngoriartornera nunarsuaq tamakkerlugu ajornartorsiutaasoq sualummik Kalaallit Nunaata inuuniarnermi atugassarititaannut ilitsoqqussarisamillu inuuniuteqarnermut sioorasaarutaasinnaavoq /unamminartuusinnaavoq.
Tamanna atukkat assigiinnginnerujussuanik pilersitsisinnaavoq taamalu inuiaqatigiit sanngiinnerulernerat imaluunniit inuiaqatigiinni nutaanut akuleruttunut eqqungaaratarsinnaaneq.
Ilisimasaqarfiup soqutigisatut aggersutut imaluunniit inuiaqatigiit ineriartornerannut inunnillu isumaginninnerup tungaasigut isumaginnittoqarfimmilu suliatigut eqqugaanissaa eqqumaffigisassatut inuiaqatigiit allanngornerannut pigissavaa.

Piffik alla qitiutinneqarsinnaasoq tassaavoq utoqqaat. Utoqqaat ikaliartortillugit kiisalu utoqqaat inuuneqqortusiartornerannut isumaginnittoqarfimmi peqqinnissaqarfimmilu unammillernartoqalersippaa isumaginninneqeqqarsaatigalugit. Utoqqaat ikaliartornerat piviusumilu utoqqaat inuuneqqortusiartornerat inulerinermi isumaginnittoqarfimmilu isumassuinermut paarsinermullu utoqqaallu nappaatigisartangaannik, soorlu sukkorneq, puigortunngornerlu unammillernartoqalersippaa. Ilaapputtaaq inuiaqatigiinni ajornartorsiutit soorlu kiserliorneq mattusimanerlu. Taamaammat perorsaasutut ilinniarnikut perorsaanerullu iluani sulisut allat utoqqaat sullinnerini siunissami pitsaaliuinissamut, sullissinissamut assigiinngitsutigullu pisariaqartinneqalissapput.

ILISIMASAQARFIUP AAQQISSUGAANERA

Socialpædagogik & Socialt Arbejde-mullu ilisimasaqarfik ukuninnga imaqarpoq:

  • Aqutsisut ilaasortat tallimat, PI/SPS-imi rektori ilaasortaallunilu formandiulluni. Allat ilaasortaatitallit taassaassapput Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik, Meeqqanut, Inuusuttunut, Ilaqutariinnut Inatsisillu Atuutsinneqarnerannut Naalakkersuisoqarfik, KANUKOKA kiisalu VIA University College – Århus
  • Ilisimasaqarfimmi aqutsisoq ulluinnarni suliffimmilu akisussaaffik paaraa
  • PI/SPS-imi sulisut sumi piginnaaneqarnerlutik uppernarsaaserlugu
  • Seminariami ilinniartitsisut ilinniartullu ilaatinneqarneri
  • Avataaniit suleqatigisat ilisimatusarfiillu

ATTAVISSAT

Najugaq: PI/SPS Videncenteret, postboks 519, 3952 Ilulissat, Grønland
Oqarasuaat. (+ 299) 38 35 50          E-mail: sps.videncenter@attat.gl

Isumaginninneq pillugu naapeqatigiinnersuaq 2021: Siunissami isumaginninnermi suliniutit

Uani paasisaqarnerugit kingusinnerpaamillu peqataanissamut nalunaarit 15. september

SAAFFIGINNINNEQ:

Apeqqutissaqaruit PI/SPS-imi Piorsaavik saaffiginissaanut tikilluaqqusaavutit:

E-mail: kursus@pi.sps.gl

Oqarasuaat: 38 35 50

PI/SPS Ilisimasaqarfik

Privacy Settings
We use cookies to enhance your experience while using our website. If you are using our Services via a browser you can restrict, block or remove cookies through your web browser settings. We also use content and scripts from third parties that may use tracking technologies. You can selectively provide your consent below to allow such third party embeds. For complete information about the cookies we use, data we collect and how we process them, please check our Privacy Policy
Youtube
Consent to display content from Youtube
Vimeo
Consent to display content from Vimeo
Google Maps
Consent to display content from Google