Piorsaavik – Perorsaanermik ilinniarfik / Socialpædagogisk Seminarium

Ingerlariaqqiffiusumik ilinniarsimasunut, soorlu perosaasutut ilinniagalinnut, pikkorissaanerit inissaqartillugit peqataanissaq periarfissaavoq.
Ingerlariaqqiffiusumilli ilinniagalinnut peqataanissaq sulisitsisup nammineq akilissavaa; angalaneq, najugaqarneq kiisalu nerisaqarneq.

piorsaavik

Pikkorissartitsinermut immikkoortortaqarfik isumaginninnerup iluani sulisunik pikkorissartitsisarpoq. Taamatuttaaq suliffeqarfinniit, Majoriamiit kommuniniillu apeqquteqartoqarnera malillugu pikkorissartitsinernik inerisaasarput. VIA UC, Pædagoguddannelse Jysk aamma UC Syd-ip suleqatiginerisigut pikkorissartitsisarnerit inerisarneqartarput. Suleqatigiinneq aqqutigalugu pikkorissartitsisarnivut pissarsiaqarnarnerulertarput, tassami pikkorissartitsinermi ilitsersuisut ilinniartitsissutini ataasiakkaani immikkut sammisallit pissarsiarisaratsigit

AMA Sulisitsisut Sulisoqarnermut Akitsuutaaneersuuvoq. Pikkorissartut 18-iliisimassapput annerpaamillu Inuussutissarsiornermi ingerlariaqqiffiusumik ilinniarfimmik sivikinnerusumik ilinniarsimassallutik, assersuutigalugu perorsaasunut ikiortitut, isumaginninnermi ikiortitut, isumaginninnermi assistentitut assigisaatulluunniit ilinniarsimassallutik, Kalaallit Nunaanni najugaqassapput aamma pikkorissartitsinermut pineqartumut peqataanissamut piginnaasatigut piumasaqaatit aalajangiunneqarsimasut naammassisimassavaat. Pikkorissarnerit amerlanerpaat PI/SPS-imit neqeroorutigineqartut ulluunerani neqeroorutigineqartuni aamma ulloq unnuarlu neqeroorutigineqartuni sulisunut saaffiginnipput. Pikkorissartitsinerni taakkunani peqataasinnaajumalluni ukiuni arlalinni perorsaanermik suliaqarsimanissaq piumasaqaataavoq.

Pikkorissarnerit qanoq aningaasaliiffigineqarsimaneri malillugit immikkoortunut assigiinngitsunut agguarneqarsinnaapput.
Tamanna pillugu ataani atuarlutit paasisaqarnerusinnaavutit.

Immikkut pisariaqartitsisunut moduulit

Taamaallaat angalanermut najugaqarnermullu aningaasartuutinut tapiisoqartarpoq, tassunga ilanngullugit inuussutissarsiornermut tunngatillugu ilinniagaqarsimanngitsut ilinniagaqarsimasullu sumiiffimmut pikkorissarfimmut utimullu angalanerannut aamma pikkorissarnerup nalaani nerisaqarnerannut aningaasartuutit pisariallit. AMA pikkorissarnermi akitsuutinut tapiineq ajorpoq. Taamaammat pikkorissarnermi akitsuutit suliffeqarfimmut aningaasartuutitut naatsorsuutigineqassapput.

Attavissaq

Tlf.: +299 38 35 50
E-mail: kursus@pi.sps.gl

Pineqartut

Pikkorissartut inuussutissarsiornermi ingerlariaqqiffiusumik ilinniarfimmik attuumassutilimmik isissutaasinnaasumik minnerpaamik inuussutissarsiornermi ilinniagartuutut ilinniarnermik naammassinnissimassapput, minnerpaamik ilinniarnermik isissutaasinnaasumik naammassinninnerup kingorna perorsaanermut tunngatillugu ukiuni marlunni inuussutissarsiornikkut misilittagaqarsimassapput, kiisalu qallunaatut atuarnissamut, paasinissamut oqaasinngortitsinissamut tunngatillugu oqaatsitigut piginnaasaqassapput, aamma sulisitsisuminik ilinniarnermut tunngatillugu isumaqatigiissuteqassapput.

Akuerisaaneq

Ilinniagaq ukiumut ataatsimut annertussuseqartutut aalajangersarneqarpoq katillugu 60 ECTS pointeqartumik – katillugit 1.650 tiimit missaanni suliaqarfiusussatut. Ilinniagaq ukiuni 2-ni sivisussuseqarpoq. Ilinniagakkamut tamarmiusumut qinnuteqartut salliutinneqartarput, inissaqartilluguli modulit ataasiakkaarlugit pikkorissarnertut qinnutigineqarsinnaallutik.

Modulit nalinginnaasumik ulluni 7-9-ni sivisussuseqartarput, atuartitsinerup saniatigut nammineq ilinniarnissamut pilersaaruteqarpoq, tassani piginnaasakinnerusunik perorsaanermit isiginnittaatsinut toqqakkanut atatillugu perorsaanermi ilisimasat periutsillu sulissutigineqartassallutik. Unnukkut aamma sapaatip-akunnerisa naanerini atuartitsisoqartarsinnaavoq.

AMA pikkorissarnerit takukkit

Aqqissuunneqarnera

Pineqartut

Tapiissutit aningaasartuutillu

piginnaasat tunngavigalugit naliliineq (RKV)

Akuerisaaneq

PKU pikkorissarnerit takukkit Kissaatit malillugit pisiarisinnaasat

Pineqartut

Tapiissutit

Aningaasartuutit

Pineqartut

Ilinniarsimasuunngitsunut atorfeqarnikkut isumaginninnermi perorsaanermik misilittagalinnut ingerlaarneq.

Peqataanissaq

PKU tassaavoq Ilinniarsimanngitsut Piginnaasaannik Ineriartortitsineq. PKU-mi pikkorissartitsinerit ilinniarsimanngitsunut 25-leereersimasunut periarfissaapput. Annerusumik ilinniarsimanngitsunut suliffeqarniarnikkut unamminartorsiortunut periarfissiisuullutik.

Ilinniarsimanngitsunut suliffissarsiortunullu pikkorissarnermi akitsuutit, angalaneq, unnuineq nerisaqarnerlu PKU-mi tapiissutinit akilerneqartarput. Pikkorissarnermi peqataasunut aamma sulisitsisunut akissarsianik utertitsinermut tunngatillugu Perorsaanermik Ilinniarfik aqutsisuuvoq.

Piginnaasat tunngavigalugit naliliineq ulluni tallimani ingerlanneqartarpoq. Ingerlaarneq kalaallisut ingerlanneqartarpoq, soorluttaaq atortussat kalaallisut allaqqassallutik.

Ilinniagaqarsimanngitsut aamma suliffissarsiortut angalanerat, unnuinerat
nerisaqarnerallu PKU-mit aningaasaliissutinit Perorsaanermik Ilinniarfiup akilissavai. Pikkorissartunut suliffeqartunut tunngatillugu sulisitsisut pikkorissarnerup nalaani akissarsianik nalinginnaasunik akiliisarnerat atuuppoq, taamaattorli pikkorissarnermi ajunngitsorsiatut utertillugit tigusarpaat. Ajunngitsorsiat inunnut 25-t sinnerlugit ukiulinnut ullormut 718 kr.-upput sapaatip akunneranullu 3.590-ullutik. Sulisunut ilinniagaqarsimasunut akissarsianik utertitsisoqarneq ajorpoq.

Aqqissuunneqarnera

Illoqarfinni assigiinngitsuni ingerlanneqartarpoq, peqataasup illoqarfiginngisaaniippat peqataanissamut angalaneq isumagineqassaaq. Peqataaneq ilinniarsimanngitsunut isumaginninnermi atorfeqartunut akeqanngilaq.

Attavissaq

Tlf.: +299 38 35 50
E-mail: kursus@pi.sps.gl

Pikkorissartitsinermi inniminnerneqarsimasumi ilusissaa imarisaalu nammineq aalajangissavasi. Pikkorissartitsinerit neqeroorutigisimasatta ilaat inniminnersinnaavarsi imaluunniit ilissi immikkut kissaatissinnut pikkorissartitsinissamut naleqqussaasinnaavusi. Pikkorissartitsineq ilissinnorpiaq naleqqussassavarput. Sumiiffimmi suliaqarfimmiluunniit amerlasuujullusi pikkorissarnermut ataatsimut pikkorissarusukkussi inniminnikkamik pikkorissartitsineq aaqqiissutissatut pitsaanerukkajuttarpoq akikinnerukkajuttarlunilu.

Perorsaanermik suliaqarnermut suliassaqarfinnullu attuumassuteqartunut tunngatillugu ilitsersuisunik neqerooruteqarsinnaavugut. Ilitsersuisut ilissi pisariaqartitassinnut tulluartunngorlugit ataatsimoortissinnaavavut. Assersuutigalugu oqaluttariarsornikkut saqqummiussineq, pikkorissartitsineq, workshoppertitsineq allartorluinnarluunniit. Suut pisariaqartinnerisi oqaluttuariniarlugit aamma periarfissat pillugit paasisaqarnerujumallutit sianerit.

Pikkorissartitsinerup suunera apeqqutaalluni akit assigiinngillat. Kissaatisi nassuiarsigit, taava neqeroorusiorumaarpugut. Taamaattorli erseqqissarneqassaaq ilissi nammineerlusi atortut, nerisaqarnerup, angalanerup najugaqarnerullu akilernerisigut allaffissornermut pikkorissarnermullu akitsuutit akilissagassigit.

Ilusaa imarisaalu

Ilitsersuisut

Akia