Paasissutissat:
piumasaqaatit
Siunnersuinermi Ikiortitut Ilinniakkamut akuerisaanissamut piumasaqaataavoq qinnuteqartoq
- 10. klassimi allattariarsornermi inaarutaasumik misilitsissimanissaq minnerpaamik kalaallit oqaasiini 4 minnerpaamillu danskit oqaasiini 02 karakteereralugit, imaluunniit
- sunngiffimmi atuartitaanermi misilitsissimanissaa minnerpaamik kalaallit oqaasiini 4 minnerpaamillu danskit oqaasiini 02 karakteereralugit.
Aammattaaq piumasaqaataavoq qinnuteqartup
- siunnersuinerup iluani minnerpaamik ukiumik ataatsimik sivisussusilimmik uppernarsaatitalimmillu sulisimanissaa, aamma
- meeqqat inuusuttullu, imaluunniit innarluutillit inersimasunilluunniit utoqqarnillu aarlerinartorsiortunut suliassaqarfimmi oqartussaasutut sulianik suliaqartutut uppernarsaatitalimmik aalajangersimasumik atorfeqarnera
- suliffini peqatigalugu ilinniarnissaminut pilersaarusiorsimanissaa inersimasunut tunngasunut suliassaqarfimmut imaluunniit meeqqanut inuusuttunullu tunngasunut suliassaqarfimmut immikkut piginnaanngorsarnissamut kissaateqarnermik imaqartunik
Ilinniagarisimasanut kiisalu sulinermi misilittakkanut uppernarsaatit attuumassuteqartut ilinniarnissamut kissaateqarnerup allanneratigut piumassuseqarluni qinnuteqaammut ilaliunneqassapput.
Ilinniakkap sannaa aaqqissugaaneralu
Ilinniarneq ukiumik ataatsimik sivisussuseqarpoq, semesterimilu ataatsimi marlunnik moduleqarluni, piffissarlu eqqarsaatigalugu modulimi ilinniartitaaneq sioqqullugu kingornalu atuarnissamut, suliakkiissutinik suliaqarnissamut sulinerlu pillugu isummersornissamut piffissaqarnissamut periarfissaqartitsisoqarluni. Moduli ataaseq nalinginnaasumik sapaatit akunnernik marlunnik sivisussuseqarpoq, ullut angalaffiusut ilanngullugit.
Modulit Kalaallit Nunaanni ilinniartitsinissamut atortussaqarfiusuni angalasunullu unnuiffissaqarfiusuni ingerlanneqartarput. Ilinniarneq aallaavittut Ilinniartut akuerisaasimasut kommunerisaat tunngavigalugu ikannerussuteqartut kommunerisaanni ingerlanneqartarpoq. Qinnuteqartut piukkunnaatillit minnerpaamik 18-it akuerisaanerani holdi pilersinneqartarpoq – minnerpaamik 8-nik ilinniartoqartillugu suliassaqarfimmut immikkut piginnaanngorsaasoqartarpoq.
suliffissat ingerlariaqqiffissallu
Siunnersuinermi ikiortip suliassaqarfii tassaapput innuttaasunik isumaginninnikkut aarlerinartorsiortunik siammasissumik sullissineq aamma ilaatigut inersimasunik, inunnik innarluutilinnik, inuusuttunik, utoqqarnik kiisalu ilaqutariinnik meeqqanillu siunnersuinermik imaqarluni. Ilinniarnermi immikkut piginnaanngorsaaffigisassaq toqqarneqassaaq, inersimasunut imaluunniit meeqqanut – aamma ilaqutariinnut tunngasunut suliassaqarfiusinnaavoq.
Ilinniakkami anguniarneqarpoq siunnersuinermi ikiortitut ilinniakkamik naammassisup ilinniakkami ilikkagassatut anguniakkat uku angusimassagai:
- Isumaginninnerup iluani suliaqarfimmut tunngasunut aamma taaguutit ilikkakkani ilaatigut namminneq sulinermini ineriartortitsinissaminut kiisalu sulisut allat ikiornissaannut aamma isumaginninnermi ingerlatsivinni siunnersuinermi sulinerup ineriartortinnissaanut atorsinnaalernissai.
- inatsisit pillugit ilikkakkani suliassaqarfinni aalajangersimasuni inooqataaniarnikkut ajornartorsiutinut atatillugu atorsinnaalissagai
- aalajangersimasumik periuseqarluni sulianik suliaqarsinnaaneq aamma inooqataaniarnikkut ajornartorsiutinut tunngasunut atatillugu namminersorluni suliaqaqatigiillu allat peqatigalugit nassuiaasinnaanngornissaminut, naliliisinnaanngornissaminut iliuuseqarsinnaanngornissaminullu piginnaasaqaleriartornisaa,
- innuttaasunik ataatsimeeqateqarnermi attaveqatigiinnermut ilisimasani atorsinnaalernissai kiisalu immineq piginnaasat, ileqqorissaarnerup naleqartitallu kiisalu isumaginninnermi sullissisutut atuuffiup imminnut ataqatigiinneri paasisimasaqarfiginerulernissai.
paasissutissat
Ilinniarneq ukiumik ataatsimik sivisussuseqarpoq, semesterimilu ataatsimi marlunnik moduleqarluni, piffissarlu eqqarsaatigalugu modulimi ilinniartitaaneq sioqqullugu kingornalu atuarnissamut, suliakkiissutinik suliaqarnissamut sulinerlu pillugu isummersornissamut piffissaqarnissamut periarfissaqartitsisoqarluni. Moduli ataaseq nalinginnaasumik sapaatit akunnernik marlunnik sivisussuseqarpoq, ullut angalaffiusut ilanngullugit.
Modulit Kalaallit Nunaanni ilinniartitsinissamut atortussaqarfiusuni angalasunullu unnuiffissaqarfiusuni ingerlanneqartarput. Ilinniarneq aallaavittut Ilinniartut akuerisaasimasut kommunerisaat tunngavigalugu ikannerussuteqartut kommunerisaanni ingerlanneqartarpoq. Qinnuteqartut piukkunnaatillit minnerpaamik 18-it akuerisaanerani holdi pilersinneqartarpoq – minnerpaamik 8-nik ilinniartoqartillugu suliassaqarfimmut immikkut piginnaanngorsaasoqartarpoq.
attavissat
Ilinniagaq paasisaqarfiginerusukku allaffimmut paasiniaasinnaavutit:
Telefon: +299 38 35 50
E-mail: allaffik@pi.sps.gl
Allaffiup naliginnaasumik ammarsarfii:
Ataasinngorneq, Marlunngorneq, & Sisamanngorneq; 8.00-15.00
Pingasunngorneq; Matoqqavoq
Tallimanngorneq; 8.00-12.00
Arfininngorneq, Sapaat & Sapaassuit; Matoqqavoq
Qinnuteqarneq
Siunnersuinermi Ikiortitut ilinnialernissamut qinnuteqarusukkuit, illoqarfinni Majoriaq aqqutigalugu qinnuteqarsinnaavutit. Kingusinnerpaamik qinnuteqarfissaq tassaavoq 1. marts.
ILINNIARNISSAMUT QINNUTEQARIT