Isumaginninnermut perorsaanermullu tunngasunik ilinniagaqarnissamut periarfissanik neqerooruteqarpugut.
Meeqqat atuarfiat naammasserlaajugukku imaluunniit gymnasiamit allamilluunniit ilinniagaqarsimaguit, siunissami inuussutissarsiornikkut ingerlariaqqinnissamut aallartiffiusinnaasunik ilinniagaqarfinnik neqerooruteqarpugut.
Ilinniakkat ataasiakkaat pillugit ilinniarnermi malittarisassani atuarneqarsinnaapput ilinniakkanut piumasaqaatit, ilinniakkap aaqqissuussaanera, fagit ilinniarneqartussat kiisalu piginnaasat ilinniarnerup ingerlanerani angusassat.
