Isumaginninnermi ikiortitut ilinniarneq ulluinnarni SHU-mik taaneqartarpoq, tassani pineqartarlutik isumaginninnermi ilinniartut nammineerlutik suliaqarsinnaanissaat siunertaralugu inuttut suliassatigullu ineriartorlutillu ilisimasarilissagaat isumaginnittutut sulisinnanissaq isumaginnittoqarfinni. Tassa imaappoq isumaginninnermi ikiortitut ajornaatsumik inuttut ikiugassanut ikiuineq inunnullu ataasiakkaanut isumassuineq kiisalu ajornartorsimmik aaqqiisinnaaneq ulluinnarni suleqatigiinnerni.
Ilinniarneq
Ilinnialernissamut piumasaqaatit
Ilinniakkamut akuerisaanissamut piumasaqaataavoq qinnuteqartoq:
- Meeqqat atuarfiannik naammassinninnermi minnnerpaamik kalaallisut karakteri 4 qallunaatullu karakteri 02 pissarsiarisimanissai
- allattariarsorluni kalaallisut qallunaatullu sunngiffimmi atuartitsinermi kalaallisut qallunaatullu peqataasimaneq, minnerpaamik kalaallisut karakteri 4 qallunaatullu karakteri 02 pissarsiarisimanissai
- Aallarniutaasumik pikkorissarnermut akuerisaasumik naammassinnissimasut, soorlu RKV, Piareersarfik/Majoriaq, projekt NUIKI assigisaanilu, tassanilu takutitsilluarsimaneq
Meeqqanik pinerliisimannginnermik uppernarsaat ilinnialernissamut akuerisaanissamut piumasaqaataanngilaq, kisiannili suliffimmi misiliinissaq meeqqat 15-it inorlugit ukiulinnut sullissinissamiippat suliffimmik misiliinissaq sioqqullugu pissarsiarineqarlunilu akuerineqarnissaa piumasaqaataavoq.
Ilinniakkap sannaa aaqqissugaaneralu
Ilinniarneq Ilulissani Nuummiluunnit ingerlanneqartarpoq. Ilinniaqatigiit 24 tikillugit akuerineqartarput eqimattatut ingerlasussatut. Najugaqarnerit aallaavigalugu immikkoortortaqarfimmut qaninnermut ilinnialernissat inissinneqassaaq. Inissinneqarnissamut aaliangiinerit immikkoortortaqarfiit akornani isumaqatigiissutigineqassapput.
Ilinniarneq pingasunut agguataarneqarnikuuvoq:
- Atuagarsorneq siulleq: sap. ak. 11-ini
- Suliffimmik misiliineq: sap. ak. 17-it
- Atuagarsornerup aappaa: sap. ak. 18-it
Aasaq 2026 sioqqullugu ilinnialersimaguit ilinniakkap sannaa eqqortoq ilinniakkap aaqqissuussaanerani siullermi takusinnaavat.
Suliffimmik misiliineq misiliiffissallu
Suliffimmik misiliineq sap. ak. 17-it ingerlanneqartarpoq. Ilinniartoq sap. akunneranut 36 tiimit paaqqinnittarfimmittarpoq sap. akunneralu allortarlugu praktikvejleder naapittarlugu. Sinneruttut 4 tiimit ilinniartup nammineerluni misissuinerminut allattariarsorlunilu suliaqarnerminut atuarnerminullu atussavai, periarfissaapallu studiegruppeminut.
Suliffimmik misiliinermi atuagarsornermisuulli aningaasarsiffigineqartarpoq.
Ilinniartup nammineerluni suliffimmik misiliiffissamik nassaarnissaq akisussaaffigaa, suliffimmik misiliiffiusinnaasut akuerisat uani quppernerup ataani nassaarineqarsinnaapput. Suliffimmi misiliinermut ilaatigut, meeqqeriviit, meeraaqqeriviit, fritidshjemmi, klubbit, atuareernermi ornittakkani paarsisarfinni il. Il., kiisalu ulloq unnuarlu paaqqinnittarfinni soorlu innarluutilinnut sullissivinni, najugaqatigiiffinni, utoqqaat illuini aammalu meeqqat angerlarsimaffianni. Ilinniartup nammineq akisussaaffigaa suliffimmik misiliiffissamik ujartuinissaq.
Suliffimmik misiliiffiusup suliffimmik misiliinerup ingerlanera akisussaaffigaa. Suliffimmik misiliisoqarnermi piumasaqaataavoq ilinniartoq sapaatip akunnera allortarlugu akunneq ataaseq naapeqatigineqartassasoq, killiffissiornernut kiisalu allattariarsorluni suliaqarnermi naliliinermut peqataaneq PI/SPS suleqatigalugu.
Tamatuma saniatigut suliffimmit misiliiffiusup suliffimmi misiliinermi anguniakkat anguneqarnissaat ilinniartumut suliakkiinikkut anguneqarsinnaanissaanut aqqutissiusseqataassaaq.
Suliffimmi misiliinermi aqqutissiuisoq ilinniagaqarnikkut tunuliaqutaqassaaq minnerpaamik socialmedhjælperitut/barnemedhjælperitut/socialhjælperitut.
Paasissutissat
Isumagininnermi ikiortitut ilinniartut qitiusumik ilinniarfimmi ilinniartut ineqarfianni Marralinnguaq-miittarput, ataasiakkaarluni inigineqartartuni. PI/SPS meeqqanut ilaquttanulluunniit inissaqartitsinngillat.
Ilinniartut Ineqarfiini paasisaqarnerugit – Una TOORUK
Attavissat
Ilinniarneq praktikkernerluunniit pillugit paasisaqarnerorusukkuit uku attavigisinnaavatit:
Studielederi suliffimmi misiliinermi ataqatigiissaarisoq:
Allaffilluunniit attavigiuk:
Oqarasuaat: +299 38 35 50
E-mail: allaffik@pi.sps.gl
Qinnuteqarneq
Isumaginninnermi ikiortitut ilinnialernissamut qinnuteqarusukkuit, sullissivik.gl aqqutigalugu, inuussutissarsiutitigut ilinniartitaanemut qinnuteqarsinnaavutit.
Ilulissani ukiumut marloriarluni aallartittoqartarpoq:
- Aasakkut aallartinneq (august) – qinnuteqarfissaq 1. marts
- Ukiukkut aallartinneq (februar) – qinnuteqarfissaq 1. september
Ilinniarnermut akuerisaanerluni tusagaqarnissaq naatsorsuutigineqassaaq ilinniarnerup allartinnissaanut qaammatit marluk sioqqullugit mailikkut tusagaqarnissaq.
Piffissami taaneqartuni tusagaqarsimanngikkuit ilinniartut allaffeqarfiannut saaffiginninnissannut tikilluaqqusaavutit.
Paasissutissat naatsut:
- Sivisussusaa: Ukiut 2 (Ilinniagaqarnermik aaqqissuussaq nutaaq - Ukioq 1)
- Qinnuteqarfissaq kingulleq: 1. marts & 1. september (sullissivik.gl aqqutigalugu)
- Ilinniagaqarnersiutit - Suliffimmik misiliineq ilanngullugu