Pikkorissarnerit nammineq ilusilersukkat
Puiguttornermi paasisaqarlualernissamut pikkorissarneq
Pikkorissarnerup siunertaraa peqataasut puigortunngorneq pillugu ilisimasaqalernissaat, inunnik puigortunngortunik peqateqarnermik paasinninnerulernissaat kiisalu sulisutut puigortunngorsimasunik naapitsinermi suut eqqumaffigineqartariaqarnerannik atoriaannaasunik siunnersuuteqarnissaat.
Pikkorissarneq ulluinnarni toqqissisimanerusumik piginnaaneqarnerullunilu iliuuseqarnissamut sakkussanik pissarsiffiussaaq, tamatumalu saniatigut inuit puigortunngorsimasut immikkut pisariaqartitaannik ilisimanninneq annertusineqassalluni.
Sukumiinerusumik paasissutissat pikkorissarneq pillugu- Una TOORUK
Piffissaq: 15-17. Juni 2026
Sap. Ak. 25
Qinnuteqarnissamut killigititaq: 3. Juni 2026
Akia: 5800 kr.
Sumiiffik: Nuuk
Oqaatsit: Kalaallisut
Nalunaarneq:
Nalunaarnermi immersungassaq – Una TOORUK
Inuusuttut asimi – ilinniarneq akisussaaffeqarneq piniarnerlu
Una pikkorissarneq piginnaasanik tunngaviusumik ineriartortitsineruvoq inuusuttunut pinngortitamik paasinninnermik pinngortitamilu inuup qanoq inissisimaneranik. Timitaliilluni isumaliuutersuutinillu sammisaqarnikkut peqataasut akisussaassuseqartumik pinngortitamiissinnaanermik, uumasunut tunngasunik ilisimasaqarnerulernikkut toqqammavilerneqassapput ileqqorissaartumik piniarnermillu piujuaannartitsisinnaanermik ilisaritinneqassallutik. Pikkorissarnermi pinngortitamut ataqqinninneq, silliminaniarneq akisussaassuseqarnerlu minnerunngitsumillu uumasunut pinngortitamullu ataqqinninneq pingaartinneqassapput.
Imarisai:
Sulisutut periutsit pitsaasut – nipi, timip atornera attaveqarnerlu.
Pilersaarusiorneq – maleruagassioqatigiineq.
Mingutsitsinnginnissaq – Asimiinnermi, piniarnermi piffimmiillu qimagutilernermi.
Miniførstehjælpkursus.
Sumiissusersiorneq – Piffimmik misissuineq, eqqumiffissat
Akisussaaqatigiinneq – Aallaqqaataaniik naanissaata tungaanut akisussaaqatigiinneq pitsaasoq.
Piareersarneq – Atortussat, nerisassat, isumannaallisaanermilu atortut pisussanik atortunillu pilersaarusioqatigiinneq.
Pilersaarutit allanngoratarsinnaanerannik sillimaneq, plan B-liorneq.
Pissarsianik atorluaaneq – Isumassarsiorneq aamma pilersitisineq.
Pikkorissarnerup ingerlanerani timitalersuilluni sammisaqartoqartassaaq, pikkorissartussallu silamut tulluartunik atisaqarnissaat eqqumaffigilluarneqassaaq. Sammisaqarluni timitaliinerit saniatigut sammisanut tulluarsakkanik pinnguaatinik erinarsuutinillu sammisaqartoqartassaaq.
Sukumiinerusumik paasissutissat pikkorissarneq pillugu- Una TOORUK
Piffissaq: 14-16. April 2026
Sap.ak. 16
Qinnuteqarnissamut killigititaq: 25. Marts 2026
Akia: 5.500 kr. peqataasoq ataaseq
Sumiiffik: Kangerlussuaq
Oqaatsit: Kalaallisut.
Nalunaarneq:
Nalunaarnermi immersungassaq – Una TOORUK