• Perorsaanermik Ilinniarfik / Socialpædagogisk Seminarium

Oqaluttuarisaanera

Socialpædagogisk Skole 1969-imi pilersinneqarpoq inuussutissarsiornermi ilinniarfiit ilaattut, Kalaallit Nunaanni ulluunerani kiisalu ulloq unnuarlu paaqqinnittarfinni assigiinngitsuni tamani kiisalu kommunip sullissineranut attuumassuteqartunut isumaginninnermi perorsaasutut sulisussanik ilinniartitsinissaq siunertaralugu. Skole taamanikkut taamaallaat pikkorissarnerit assigiinngitsut neqeroorutigisarpai, taamaattumillu amerlasuut Danmarkimi ukiuni pingasuni perorsaasutut ilinniagaqarnissamut qinnuteqarsimapput. Tamatuma saniatigut Kalaallit Nunaanni perorsaanikkut atorfiit 400-t 1/3-ii ilinniagaqanngitsut atorfigaat.Skole blev oprettet i 1969 som en af erhvervsuddannelsens institutioner med det formål at uddanne socialpædagogisk personale til alle kategorier af grønlandske dag- og døgninstitutioner og til kommunernes serviceapparat. Skole tilbød dengang kun forskellige kurser, hvorfor mange valgte at søge en 3-årig socialpædagogisk uddannelse i Danmark. Derudover var 1/3 af de godt 400 socialpædagogiske stillinger i Grønland besat af ufaglærte.
Ulloq 31/8-73 aalajangerneqarpoq suliamut tunngasunik ataatsimiititaliamik pilersitsisoqassasoq, taakku Kalaallit Nunaanni perorsaanermik suliaqarfiup iluani pisariaqartitanik nassuiaanissaq kiisalu pisariaqartitat taakku aningaasaqarnikkut akisussaassuseqartumik naammassineqarsinnaanersut paasiniassallugu suliarisussaallugu. Suliamut unngasunik ataatsimiititaliap missiliorsimavaa, 1985-imi suliassaqarfiup tamatuma iluani sulisunik 935-nik pisariaqartitsisoqassasoq. Tamatuma saniatigut siunnersuutigaat, Socialpædagogisk Skole ineriartortinneqassasoq, taamaasilluni pikkorissaasarfiusartoq ilinniarfimmik taarserneqassalluni, ilinniakkanik naannerusunik taamaallaat neqerooruteqarunnaarluni, aammali ilinniakkanik ingerlariaqqiffiusunik arlalinnik neqerooruteqalissasoq, ass. Meeqqerivinni perorsaasutut, meeqqanik isumaginninnermut perorsaasutut, isumassuinermut ikiortitut il.il.
Ulloq 12. januar 1976 ilinniarfik nutaaq aallartippoq, tamanna maannamut ilinniakkanik annertuumik annertusiinerinnaanani, aammali ilinniakkat arlallit neqeroorutaalerput. Atuartitsinerit tamarmik Nuummi atuarfimmit aaqqissorneqarlutillu aqunneqarput, kisianni blokkit pikkorissaanerillu arlallit pisariaqartitsisoqartillugu sinerissami ingerlanneqartarlutik.
Nuummi ulluunerani kiisalu ulloq unnuarlu paaqqinnittarfinni tamani aqutsisut siulersuisullu 1976-imi nalunaaruteqarput, Nuummi paaqqinnittarfinni meeqqanut ikiortinik amigaateqarujussuarnerup kinguneri ernummatigalugit. Ulloq 1. januar 1977 Nuummi meeqqanut ikiortitut atorfiit 20-t missaat inuttaqanngillat. Oqaaseqaammi inissisimaffik pinartutut taaneqarpoq, sukkasuumillu qisuariartoqarnissaa neriuutigineqarluni. Socialpædagogisk skole qujanartumik nalunaarutigaa, ulloq 1. juli 1977 meeqqanut ikiortit 15-it ilinniakkaminnik naammassinnissasut.
Ukiuni siullerni inissaaleqineq Nuummi inioreersunik atornikkut iluarsineqarpoq, kiisalu Egmontgårdenimi aamma peqqissaanermi ikiortit ilinniarfianni ininik attartornikkut. Kisianni 1977-imi inissamik anginerusumik pisariaqartitsisoqalerpoq. Kalaallit Nunaanni Inuussutissarsiutitigut ilinniartitaanermut siunnersuisoqatigiit inassutigaat, socialpædagogiske skole Ilinniarfissuarmut qanimut atassuteqartumik pilersinneqassasoq. Siunnersuisoqatigiit inassutaata kinguneraa, namminersortumik perorsaanermik ilinniarfimmik pilersitsisoqannginnera, kisiannili ilinniarfissuup allilerneqarnerani perorsaasunngorniat inissaqartilerneqarnerat.
Klubbini ikiortissanut ilinniagaq aallartippoq Nuummi 1. september 1980. Ilinniartut 25-t tiguneqarput, ilinniagarlu sapaatit akunnerinik 15-inik sivisussuseqartoq naammassineqarpoq 12. December 1980. Blok II-mut tassunga tiguneqarnissamut piumasaqaataavoq, piffissami sivisunerusumi klubbimi sulisimanissaq, kiisalu klubbimi sulisunut pikkorissarnernut arlalinnut peqataasimanissaq.
Nuummi Aasiannilu ilinniagaqartut atukkatik pillugit pisortanut paasititsiiniarlutik akerliussutsimik takutitsipput. Perorsaasunngorniarlutik ilinniartut aamma EFG-mi ilinniartut tallimanngornermi martsip 21-ani Nuummi inatsisartut ataatsimiittarfiata saavani akerliussutsimik takutitsipput, inatsisartunut ilaasortat ajornartorsiutiminnik erseqqissaaviginiarlugit. Ajornartorsiutit pingaarnertut tassaapput ineqarneq, kiisalu akissarsiat imaluunniit tapiissutit, amerlanerpaatigut ineqarnermut akiliutit saniatigut allanut naammanngitsut. Oqalugiartut pingaarnertut sammivaat atuarfiit tungaannit inissat amigaataasut, inissiani imaluunniit ineeqqani pissutsit eqqissinanngitsut, ineqarnermut akiliutit qaffasippallaartut. Inatsisartunut ilaasortat kajumissaarneqarput ajornartorsiutit ilaannik aaqqeequllugit.
Inunnik Isumaginninnermi Ilinniarfimmi ilinniartut Qassimi illoqarfimmit utoqqarnut 54-inut, meeqqat angerlarsimaffiinit pingasunit meeqqanut kiisalu utoqqaat illuarmiut orpiliartippaat. Aliikkusersuisoqarpoq, erinarsorneqarpoq peqataasullu 100 missaaniittut orpiliarput. Meeqqanut mamartukujoqarpoq tamanullu kaageeraqarpoq. Ilinniartut banko-rtitsillutik 5.000 kr-inik siunertamut katersisimapput. Orpiliaq KGH-mit tunniunneqarsimavoq busillu akeqanngitsumik utoqqaat Qassimukaappai angerlaleramilli pissanganartumik pisoqarpoq, silarlunnera pissutigalugu utoqqaat ilaat politinut ilaallutik angerlaanneqaramik.
Ilinniartut pitsaanerusumik atugaqarnissaq piumasaqaatigaat. Erseqqissarpaat: Inissaaleqineq pissutigalugu tiimeqaleraangatta sumiiffinnut assigiinngitsunut siammartariaqartarpugut. Sumiiffimmiit sumiiffimmut nooqattaartariaqartarpugut, ornitassagullu ungasittaqimmata piffissarujussuaq maanaannartinneqartarpoq. Aammattaaq isumaqarput pissutsit taamaanneri pissutigerpiarlugit ilinniartorpassuit ilinniakkaminnik taamaatitsisartut. Inunnik isumaginnittunngorniat siunnersortinngorniallu inuiaqatigiinni atorfissaqartinneqaqaat, taamaattumik pissusissamisuuginnarpoq ilinniartitaanitta toqqissisimanartumik ingerlanneqarnissaa piumasarigutsigu. Atuarfitta allineqarnissaa pisariaqalerpoq. Imaluunniit nutaarluinnarmik atuarfiliuunneqartariaqarpugut, taama oqarput inunnik isumaginnittunngorniat pingasut.
Inunnik isumaginnittunngorniat ilinniarfianni ilinniartut 45-t ukiaqqaarmalli isiginnaartitsissusiorusussimapput inuunermiit toqunissamut tunngasumik. Pilersaarutaallu maannakkut piviusunngortinneqarpoq Det Kongelige Teaterimi ilitsersuisumut ikiortip Karen Littauerip ikiuunneratigut. ”Imaalisimavarput, isiginnaartut namminneerlutik isiginnaartitsinermi peqataatissinnaallugit, soorlu meeraanerup nalaanut utertittarlugit, utoqqaallu inuusunnermik nalaannut pisittarlugit. Ima paasillugu, piffissaq pilluarnerpaaffitsik namminneq takorloorsinnaallugu”, taama oqarput inuusuttut pingasut taakkua isiginnaartitsinerup silarsuaani misileeqqaarnerminni isiginnaartitsinissaminnut takusarneqarluarnissaminnik neriuuteqarluartut.

Attavissat / Kontakt

  • Ilulissat
  • Marralinnguaq 40 & 40B
  • 3952 Ilulissat
  • Lokation
  • (+299) 38 35 50
  • allaffik@pi.sps.gl
  • Nuuk
  • Nuukullak 4C
  • 3900 Nuuk
  • Lokation
♥All Rights Reserved PI/SPS

Åbningstider:

  • Man-, Tirs-, & Tors. kl. 9.00-15.00
  • Onsdag - Lukket
  • Fredag kl. 9.00-12.00
  • Lør-, søn- og helligdage lukket

Genveje