Piorsarsimassuseq ataatsimoornerlu
Pikkorissaaneq una pikkorissartunut piorsarsimassutsimut, kusanartulerinermut ataatsimoornermullu tunngasunik tunniussissaaq. Pikkorissarnermi tikinneqassapput piorsarsimassuseq meeqqallu, tassani peqataasut takorluuisinnaanerat alaatsinaassinnaanerallu sammineqassallutik.
Ullumikkut meeqqat piorsarsimassusermik pilersitsiseqataasutut isigineqarput, taamaammat perorsaanermik suliaqartut pikkorissarnermi sungiusaatigissuaat ilikkariartorfiusumik meeqqanut kusanartulerinermi nuannersumik pilersitsinissaq. Pikkorissartuttaaq perorsaanikkut sammisaqartitsinermi meeqqat isikkivianniik peqataaneranniillu aallaaveqartumik kiisalu meeqqat ataatsimoornermi peqatigiinnerannut assigiinngiiaartuuneri eqqarsaatiginissaat.
Imarisai:
Piorsarsimassutsimut kusanartulerinerullu isumaa qanorilillunilu meeqqat ataatsimoortunut ilanngutsinneqarsinnaanerat
Perorsaanikkut sammisaqartitsinermi ilikkariartorfiusumik pilersaarusiorneq, meeqqanut peqataasutut isiginnaartutullu misigisimatitsisoq
Meeqqat alapernaassusaannut, takorluuisinnaanerannut nassaarsiorsinnaanerannullu tunngaviliisinnaaneq
Pikkorissarnermi siunertaavoq peqataasut piorsarsimassutsip kusanartuliornerullu isumaanik ilisimasaqarnerulerneq, qanorlu meeqqat ataatsimoortuni peqataatilersinnaanerat. Pikkorissarnerup peqataasut perorsaanikkut ilikkariartorfiusumik pilersaarusiorsinnaanerat, tassani meeqqat isiginnaartut peqataasutullu alaatsinaannerat, takorluuisinnaanerat nassaarsiorsinnaanerallu tunngavilerneqassaaq.
Paasissutissat sukumiinerusut pikkorissarneq pillugu – Una TOORUK
Piffissaq: 17-19. April 2026
Sap.ak 12
Qinnuteqarfissamut killigititaq: 13. Marts 2026
Akia: Ilinniagaqarsimanngitsunut suliffissarsiortunullu akeqanngilaq.
Sumiiffik: Ilulissat, Perorsaanermik Ilinniarfik
Pikkorissaasoq: Kristine Nielsen
Oqaatsit: Kalaallisut
Nalunaarniarluni immersungassaq – Una TOORUK
Ulluunerani suli atualinngittunut neqerooruteqarfiusuni uppernarsaaneq aamma inatsisit
Pikkorissaaneq una ulluunerani paaqqinnittarfimmi perorsaanermik suliaqartunut inatsisinik kiisalu meeqqerivinni ulluinnarni sulinermi uppernarsaanermik ilisimasaqarnerunermik tunniussissaaq.
Peqataasut aamma iliuusissatut pilersaarummik kiisalu perorsaanermik suliaqarnermik uppernarsaatinik suliaqarnernik ilinniassapput.
Inatsisit
Malinnaaneq aamma uppernarsaaneq
Iliuusissatut pilersaarutit
Pikkorissarnermi saqqummiinerit, eqimattakkaarnerit sungiusarnerillu paarlagiiaanneqassapput. Atuartitsinermi peqataasut namminneq misilittagai kiisalu teoriit aamma sulinermi sungiusarnerit aallaavigineqassapput, tamakku perorsaanermik suliassat qitiusut kivissinnaanerannut peqataasut ataasiakkaat piginnaasaannik ineriartortitseqataassapput. Peqataasut namminneq sulinertik eqqarsaatigisassavaat, kiisalu meeqqat ataasiakkaat ineriartornerat pillugu malinnaanermik, isiginnaarnermik aamma uppernarsaatinik suliaqarnermik sungiusartassapput.
Paasissutissat sukumiinerusut pikkorissarneq pillugu – Una TOORUK
Piffissaq: 5-7. Maj 2026
Sap.ak 19
Qinnuteqarfissamut killigititaq: 10. April 2026
Akia: Ilinniagaqarsimanngitsunut suliffissarsiortunullu akeqanngilaq.
Sumiiffik: Nuuk
Pikkorissaasoq: Petra Jensen
Oqaatsit: Kalaallisut
Nalunaarniarluni immersungassaq – Una TOORUK
Meeqqat ineriartornermi killiffii aamma meeqqat isiginniffiat 0-6-inik ukiullit
Pikkorissaanermi matumani ulluunerani paaqqinnittarfinni perorsaanermik suliaqartut meeqqat 0-init 6-inut ukiullit tarnikkut kiisalu aalariaatsitigut ineriartornerminni killiffii pillugit ilisimasanik tunniussisoqassaaq. Kiisalu perorsaanermi suliaqartut ulluinnarni ulluunerani paaqqinnittarfimmi meeqqat isiginniffiat aallaavigalugu qanoq sulisinnaanerat pillugu kiisalu perorsaanermi suleriutsit periutsillu pillugit ilisimasanik tunniussissalluni.
Meeqqap tarnikkut aalariaatsikkullu ineriartornera
Atassuteqaqatigisat
Meeqqat isiginnittaasaat
Periutsit aamma suleriusit
Pikkorissarnermi saqqummiisarneq, eqimattakkaarnerit aamma sungiusarnerit paarlagiiaarlugit ingerlanneqassapput. Atuartitsinermi peqataasut namminneq misilittagaat kiisalu teoriit aamma sulinermi sungiusarnerit aallaavigineqassapput, taakku peqataasut ataasiakkaat perorsaanermi qitiusumik suliassamik kivitseqataanissamut piginnaasaanik ineriartortitsissallutik. Moduli siulliup kingorna sulinermi sungiusarnermik peqataasut namminneq suliffimminni misilitassaminnik suliaqassapput.
Paasissutissat sukumiinerusut pikkorissarneq pillugu – Una TOORUK
Piffissaq: 19-21. Maj 2026
Sap.ak 21
Qinnuteqarfissamut killigititaq: 17. April 2026
Akia: Ilinniagaqarsimanngitsunut suliffissarsiortunullu akeqanngilaq.
Sumiiffik: Online-ikkut
Pikkorissaasoq: Kristine Nielsen
Oqaatsit: Kalaallisut
Nalunaarniarluni immersungassaq – Una TOORUK
Meeqqanik immikkut pisariaqartitsisunik sullissineq
Pikkorissarneq una perorsaanermik suliaqartunut, ulluunerani neqeroorutini aamma ulloq unnuarlu angerlarsimaffinni meeqqanik sumiginnakkanik sullissisuussunut, sumiginnaaneq, kingunerlutsitsinerit aamma meeqqat inooqataanikkut misigissutsitigullu ineriartornerat pillugu kiisalu sakkortuumik misigisaqarnermi, meeqqap qarasaa aamma tarnera qanoq sunnerneqartarnersut pillugit ilisimasanik annertunerusunik tunniussissaaq. Tamatuma saniatigut meeqqat, sumiginnagaanermik aamma kingunerlutsitsinermik misigisaqarsimasut tapersersornissaannut atortussannik tuniorarneqassaatit.
Modul 1:
Inatsisit
Sumiginnaanermut ilisarnaatit
Sumiiginnaanerup kinguneqaatai
Modul 2:
Nalunaartussaatitaaneq
Sumiginnaanermik isumaginninneq
Nakuuserneq, nakuusertariaatsit aamma nakuusernermi spirali
Pissaanermik atuineq
Pikkorissarnermi saqqummiinerit, eqimattakkuutaarneq sungiusarnerillu paarlaagiiaarneqassapput. Pikkorissartut misilittagaat, isumaliuutersuutit pisuusaartitsinerillu ingerlanneqartassapput, pikkorissartumut piginnaasatigut ineriartuutaassammata perorsaanikkut qitiusumik kivitsinissaannut. Modul siulleq pereerpat pikokrissartut sulifimminni sungiusagassaqarumaarput.
Paasissutissat sukumiinerusut pikkorissarneq pillugu – Una TOORUK
Piffissaq: Pikkorissarneq modulini marlunni ingerlanneqassaaq ulluni pingasuni nal. 09:00–16:00.
Modul 1 sap. ak 23, 2-4. Juni 2026.
Modul 2 sap. ak 35, 25 -27. August 2026.
Qinnuteqarfissamut killigititaq: 1. Maj 2026
Akia: Ilinniagaqarsimanngitsunut suliffissarsiortunullu akeqanngilaq.
Sumiiffik: Tasiilaq
Pikkorissaasoq: Emilie Siegstad
Oqaatsit: Kalaallisut
Nalunaarniarluni immersungassaq – Una TOORUK
Tulleriit – Meeqqanik inooqataanikkut misigissutsikkullu ilinniartitsineq
Pikkorissarneq una perorsaanermik suliaqartunut, ulluunerani neqerooruteqarfiusuni perorsaanilerinermi, inooqataanikkut misigissutsitigullu ineriartortitsinermi sakkussatut meeqqani 4-niik 10 tungaanut ukiulinni.
Pikkorissarneq peqataasunut meeqqat misiginneqatiginnissinnaanikkut, imminut aqussinnaanikkut ajornartorsiutinillu aaqqeriaatsini sakkussanik tunisissaaq.
Taamatuttaaq perorsaanikkut sakkussat meqqat siunnersorsinnaanissaat peqateqarnikkut naliginnaasumillu ataatsimoortuni piginnaasaqarnissamik sullissisunut immersuissaaq.
Misigissutsit ilisarisinnaanerulernissaannik piginnaanngorsaaneq
Meeqqat akornanni peqatigiinnermi eqqarsaqqaarani qisuariartarnerit annikillisarlugit
Meeqqat akornanni sakkortuumik qisuariartarnerit annikillisarneri, kamannikkut misigissutsinik ilisarsisinnaalernissaanni aammalu eqqissisarnissamut periutsinik sakkussanik ukkatarinninneq
Pikkorissarnermi saqqummiinerit, eqimattakkuutaarneq sungiusarnerillu paarlaagiiaarneqassapput. Pikkorissartut misilittagaat, isumaliuutersuutit pisuusaartitsinerillu ingerlanneqartassapput, pikkorissartumut piginnaasatigut ineriartuutaassammata perorsaanikkut qitiusumik kivitsinissaannut.
Paasissutissat sukumiinerusut pikkorissarneq pillugu – Una TOORUK
Piffissaq: 1-3. September 2026
Sap.ak. 36
Qinnuteqarfissamut killigititaq: 31. Juli 2026
Akia: Ilinniagaqarsimanngitsunut suliffissarsiortunullu akeqanngilaq.
Sumiiffik: Qaqortoq
Pikkorissaasoq: Birgithe J. Larsen
Oqaatsit: Kalaallisut
Nalunaarniarluni immersungassaq – Una TOORUK
Ulluunerani neqerooruteqarfinni imminut sullitanullu paasinninneq
Ulluunerani perorsaanilerinermik suliaqarfiusumi sullitat tassaasarput meeqqat assigiinngitsut, assigiinngissutsimikkut ulluinnarni isumagineqartussat. Meeqqat ilikkariartornissaannut, ineriartornissamullu sinaakkutissanik neqeroorfigisinnaasussaavaat.
Pikkorissarnermi matumani meeqqerivinni ulluunerani paaqqinnittarfinni imminut sullitallu pillugit paasinninneq pillugu ilisimasanik tunniussisoqassaaq.
Saqqummiinerit sungiusarnerillu pikkorissarnermi ingerlanneqartassapput. Piffissaq ilaa eqimattakkuutaarluni suliaqarneq ingerlanneqartassaaq, misilittakkanik ilisimasanillu paarlaasseqatigiiffiusussamik. UIlut aallarnerneqartassapput sammineqartussat saqqummiunnerisigut peqataasullu kissaataat aallaavigalugit nikisitsisoqarsinnaasarumaarluni.
Sulinermi imminut, sullitanillu paasinninnerup isumaanik paasinninneq
Sulinermi imminut, sullitanillu paasinninnerup perorsaanilermi suliaqarnermi atornera
Perorsaanilerinermi suliaqarfimmi meeqqanik ilaatitsineq, meeqqallu peqataatinnerat.
Pikkorissareernermi peqataasut sulinermi imminermik, sullitanillu paasinninneq pissarsiaqarfigissavaat. Aammattaaq peqataasut perorsaanermi suliaqarnertik nukittorsassavaat, meeqqat sammisassaqartitsinernut peqataasarnerannut iluaqutaasumik atortussaqalernermikkut.
Paasissutissat sukumiinerusut pikkorissarneq pillugu – Una TOORUK
Piffissaq: 6-8. Oktober 2026
Sap.ak. 41
Qinnuteqarfissamut killigititaq: 11. September 2026
Akia: Ilinniagaqarsimanngitsunut suliffissarsiortunullu akeqanngilaq.
Sumiiffik: PI/SPS Perorsaanermik Ilinniarfik, Ilulissat.
Pikkorissaasoq: Kristine Nielsen
Oqaatsit: Kalaallisut
Nalunaarniarluni immersungassaq – Una TOORUK