Socialassistentitut ilinniarneq (SAU) inuussutissarsiornermik ilinniarfiuvoq, ilinniartup suliamut tunngasunik ilisimasai, pisinnaasai kiisalu atuagarsonerit isumaginninnerup iluani piginnaasat inerisarneqarneranut tunngaviliinissaanullu tunngasoq.
Ilinniarneq isumaginninnermut tunngasuuvoq, ilinniarnerullu ilinniartoq inuttut ineriartornissaa kiisalu ilinniartup Kalaallit Nunaanni isumaginninnermut soqutiginninneralu suunneeqataasinnaaneralu siuarsarneqarlutik ilinniaqqinnissaamut toqqammaviliisussanik. Ilinniarneruttaaq socialassistentitut sulinermi Kalaallit Nunaanni inuiaqatigiit piorsarsimassuserlu qitiutissavai.
Ilinniarneq
Ilinnialernissamut piumasaqaatit
Ilinniakkamut akuerisaanissamut piumasaqaataavoq qinnuteqartoq:
- Isumaginninnermi ikiortitut naammassinnissimassasoq imaluunniit meeqqat atuarfiata saniatigut ilinniagaqarneq aalajangersimasumilluunniit suliaqarniarluni ilinniarfimmi naammassinnissimaneq
Ilinniartut inissaanniit amerlanerusunik qinnuteqartoqarsimappat PI/SPS-ip:
- ilinniartup qallunaatut pisinnaasaanik ilinniarfiginikuusaannut piumasinnaavoq akuerisaanissamut tunngavilersuutaasinnaasunik
- qinnuteqartoq piumaffigisinnaavaa qallunaatut misilitsissasoq taannalu akuerisaanissamut tunngavilersuutaatillugu
- Immikkut akuerineqarnissamut qinnuteqaarnermut kajumissaarummik rektorimut allattoqarsinnaavoq sooq immikkut akueritikkusunnerluni. Uppernarsaat naleqquttoq ilinniarfiginikuusamiit kiisalu suliffiginikuusat ilanngunneqassapput
Meeqqamut pinerliisimannginnermut kiisalu pinerluttuliorsimannginnermut uppernarsaat socialassistentitut ilinniakkamut qinnuteqartunit tamanit akuerisaasunit pineqassaaq. Pinerlussimannginnermik allagartanik unioqqusitsisimannginneq pillugu nalilersuisoqartarpoq ilinniakkamut akuerisaanissaq eqqarsaatigalugu.
Ilinnniakkap sannaa aaqqissugaaneralu
Socialassistentitut ilinniarneq ukiut tamaasa PI/SPS Ilulissani neqeroorutigineqartarpoq qaammatinillu qulingiluanik sivisussuseqarluni (sap. ak. 39-t). Holdimi aggustimi aallartittartumi 24-nik inissaqarpoq.
Ilinniarneq modulinut tallimanut avinneqarnikuuvoq fagit pingaarnernut pingasunut avinneqarnikuullutik; qallunaatut, pædagogik kiisalu psykologi, piorsarsimassutsimullu tunngasut marluk; Kultur- og samfundsfag kiisalu Kreative fag og bevægelse
Ilinniakkap pingaarnertut anguniagai marlunnik sammiveqarput. Aappaa ilinniaqqinnissamut siunertaqarpoq, aappaalu perorsaanermut tunngasuni sulilernissamut siunertaqarluni.
Taamaattumik ilinniarnermi oqaatsitigut qallunaatut pikkorissisoqarlunilu ineriartortoqarnissaa anguniarneqartarpoq perorsaanermut tunngasumik sulinermi atorneqartarmata.
Uani fagit misilitsiffiillu takusinnaavatit Ilinniartitaanerup Aaqqissuussaanera.
Suliffissat ingerlariaqqifffissallu
Socialassistentitut naammassisimasoq perorsaanermut tunngasut nalinginnaasut, soorlu inulerisut perorsaasullu suliai suliarisinnaavai. Socialassistentip suliaanut ilaappput meeqqat inersimasullu sumiginnakkat, innarluutillit, inuusuttut, utoqqaaq kiisalu ilaqutariit aammalu meeqqat. Paaqqinnittarfinni, unnuakkut paaqqinnittarfinni allanilu suliarineqartarput. Aammalu socialassistentip atorfigivaa perorsaanerup iluani sulisut ineriartortinnissai.
Ilinniakkamik naammassinnereernermi ukunani atorfininniarsinnaavutit:
- Paaqqinnittarfinni, innarluutilinni, utoqqqarni pinerluttunik isumaginnittoqarfinniluunniit.
Imaluunniit ukununnga qinnuteqarlutit
Paasissutissat
Socialassistentitut ilinniartut ineqarfinni Qoororsuaq-mi ineqartinneqartarput.
Ukiut 3½ ilinniartut meeqqatik/ilaquttatik nassarniarunikkit ilinniartut ineqarfiiniitsinneqartarput ilaqutariinnoortuni. Aappariit ilinniartut inaataani aappariinnut tulluussakkani, kisimiittullu kisimiittut ineqarfiiniisinneqartarlutik.
Ilinniartut ineqarfii ilinniagaqarnerlu ataani paasisaqarnerugit
Qinnuteqarneq
Socialassistentitut ilinnialernissamut qinnuteqarusukkuit, illoqarfinni Majoriaq aqqutigalugu qinnuteqarsinnaavutit. Kingusinnerpaamik qinnuteqarfissaq tassaavoq 1. marts.
ILINNIARNISSAMUT QINNUTEQARIT
Ilinniakkap aallartinnissaanut akuerisaaniaraanni akissutissap/allakkap/mail tigunissaa qaammatit marluk sioqqullugu naatsorsuutigissavat – piffissami tassani tusagaqarsimanngikkuit ilinniartut allaffeqarfiannut PI/SPS-imi saaffiginninnissannut tikilluaqqusaavutit.
Paasissutissat naatsut:
- Ilinniarnerup sivisussusaa: Qaammatit 9
- Qinnuteqarfissaq kingulleq: 1. Marts (sullissivik.gl aqqutigalugu)
- Aningaasarsiat: Ilinniagaqarnersiutit