Inuussutissarsiutigalugu ilinniagaqartuutut ilinniarneq
Pædagogassistentitut
Ilinniartitaaneq atuartunut pædagogisk-imik suliassaqarfimmut atassuteqartunut siunertarineqarpoq, aammalu atuuttumik misilittagaqarnermik tunngaveqarluni. Piffissap ilaa suliffeqarfimmi aammalu piffissap ilaa atuarfigisami ilinniarneq immikkoortukkaanik katitigaasumik ingerlanneqartarpoq.
Atuartut atorsinnaasumik misilittagaat aammalu suliamik piginnaasaat pissarsiarineqareersut atuartitsinermi teoriinut aammalu pædagogiskimik atortunut atatillugu atorneqartarput, soorlu aamma atuartoq atuartitsinermit ilisimasani piginnaasanilu pissarsiarisimasani suliffimmi pædagogiskimik praktikkernermini atortarpai.
Ilinniartitaaneq decentralimik neqeroorutigineqarpoq, tassani qinnuteqartunik naammattunik akuerisaasunik naammatsissimangaangata eqimattat nutaat aallartinneqartarput, aammalu ilinniartitsinermi avatangiisinik sinaakkutinillu pitsaasunik pilersitsisoqarsinnaavoq. Ilinniartitaanerup aamma siunertaraa Kalaallit Nunaat tamakkerlugu pædagogikkip iluani ammasuunerup qaffassarneqarnissaa.
Ilinnialernissamut pimasaqaatit
Pædagogassistenti-mut akuerisaanissamut piumasaqaatit tassaapput, qinnuteqartoq
Gymnasiami ilinniagaqarsimasoq, soorlu GUX-imi, HTX-imi imaluunniit assingusumik,
Isumaginninnerup iluani inuussutissarsiutitigut ilinniagaqareersoq, soorlu isumaginninnermut siunnersortitut,
Socialassistent-itut, peqqinnissamut assistentitut imaluunniit siunnersortitut ilinniagaqarsimaneq, imaluunniit allat
atuarfimmi atuarnermi misilitsinnerup saniatigut attuumassuteqartumik ilinniagaqarneq akuerineqarsimasoq, soorlu
sivisuumik ilinniartitsineq socialpædagogiskimik suliassaqarfiup iluani, attaveqaqatigiinneq,
oqaloqatigiinnermi teknikkit il.il.
Ilinniarnissamut pilersaaruteqareersoq PI/SPS-ip ulloq/unnuk atuarfiini akuerineqarsimasuni ilaanni ukiuni 2-ni isumaginninnermik ilinniartitsisutut praktikkernissamut isumaqatigiissuteqarluni.
Ilinniakkap sannaa aaqqissugaaneralu
Inuussutissarsiutingalugu ilinniagaqartuutut ilinniarneq Pædagogassistentitut ilinniarfiuvoq 120 ECTS-pointinik nalilimmik. Ilinniagaqarneq ukiuni marlunni ingerlanneqassaaq, katillugit semesterit sisamat suliffimmi misilittakkanik paarlakaajaasarluni aamma aqqaneq-marlunnik ilinniartitsiffiusunik pilersaaruteqarluni, sapaatip akunnerini marlunni pingasunilu sivisussuseqarlutik. Inuussutissarsiutingalugu ilinniarfik sulinermik misilittakkanik ilinniartitsinermillu paarlakaajaasarluni aaqqissuussaagami naatsorsuutigineqarpoq ilinniagaqartut ilinniarnerup ingerlanerani perorsaanermut tunngasumik ingerlatsivimmut ilinniarneq tamaat atassuseqarnissaat.
Suliffimmik misiliineq misiliiffissallu
Ilinniarnerup nalaani ilinniartup suliffimmi sungiusarnissaminut periutsitigullu misiliinissamut sinaakkutit pilersittarpai, aammattaaq ilinniartup nammineq perorsaanermik inuuniutitut suliani sullitatillu misissorsinnaallugit.
Suliffimmik misiliinerup moduli immikkoortuisa akornanni sungiusartoqartarpoq.
Qinnuteqartut namminneq suliffimmi misiliinissamut qinnuteqaateqarlutillu ilinniagaqarnissamik pilersaarusiortariaqarput, ukiunilu marlunni suliffimmi misiliinissamut isumaqatigiissuteqarlutik.
Suliffissat ingerlariaqqiffissallu
Ilinniarnersiut naammassigukku ilaatigut ukunani suliffittaarsinnaavutit:
- Meeqqanut paaqqinnittarfiit
- Ulloq unnuarlu paaqqinnittarfiit
Attavissat
Ilinniarfik pillugu paasisaqarnerorusukkuit allaffimmi sullissisut uunga saaffigisinnaavatit:
Telefoni: +299 38 35 50
E-maili: allaffik@pi.sps.gl
Qinnuteqarneq
Perorsaasutut ikiortitut ilinniagaqarusukkuit Majoriaq illit najugaqarfigisanniittoq qinnuteqaatinnik kingusinnerpaamik Marsip aallaqqaataani tigusaqarsimassaaq.
ILINNIARNISSAMIK QINNUTEQARIT
Akissutip/allakkat/mailit kingusinnerpaamik qaammatip ataatsip ingerlanerani tigunissaat naatsorsuutigisinnaavat – taamaalinerani suli tusarsimanngikkuit PI-mi/SPS-imi ilinniartut allaffeqarfiannut saaffiginninnikkut paasiniaasinnaavutit.
PÆDAGOGASSISTENTI
-
Qinnuteqarfissaq kingulleq: 1. Marts
-
Ilinniarnermik aallartitsineq: August
-
Aningaasaqarneq: Ilinniagaqarnersiutit
-
Angalaneq (Billet): PI/SPS
-
Sumiiffik: Qinnuteqartut naammatsikkaangata aaliangerneqartarpoq
Ilinniartitaanerup aaqqissuussaanera allakkiallu allat:
- Ilinniarnertitaanerup aaqqissuussaanera (PDF - Qallunaatut)
- Suliffiit misiliiffissatut akuerisat (PDF)
- Ilinniartitsinermut pilersaarut - Piffissaq tamaat (Ilinniartunut suliffimmi misiliisunut) (PDF)
- Ilinniartitsinermut pilersaarut - Piffissaq tamaat (Ilinniartunut suliffimmi aalajangersimasumi suliffigisassami praktikkertunut) (PDF)