Perorsaanilerinermi Diplomimut Ilinniagaq inuussutissarsiornermut, aalajangersimasumik sammivilimmik aamma ineriartornermik tunngaveqartumik ingerlariaqqiffiusumik ilinniagaavoq, aalajangersimasumik inunnik perorsaanilerinermik sullissisunut sammivilik.
Perorsaanilerinermi Diplomimut Ilinniakkami siunertaavoq, ilinniartut nammineqq perorsaanilerinermik, immikkullu pisariaqartitsisunik sullissisinnaalerlutik piginnaanngorsarnissaat.
Ilinniartup inunnik sullissinerani inuunerup pitsaassusaanik-, piginnaasaanik- aamma nammineersinnaassusaanik siuarsaasinnaaneranik ilinniarnermi nukittorsassavaa. Peqataalersitsilluni ataatsimoorfinni, qanorissutsip, peqqissutsip ineriartornissamullu periarfissanik aqqutissiueqataassaaq – inunnut ataasiakkaanut, inuiaqatigiinnullu ataatsimut isiginninnermi.
Ilinniarneq
Tiguneqarnissamut Piumasaqaatit
Ilinniartut Perorsaanilerinermi Diplomimut Ilinniakkamut imaluunniit modulinut ataasiakkaanut tiguneqartarput, qinnuteqartoq:
- Ingerlariaqqiffiusumik ilinniakkamik isissutaasinnaasumik minnerpaamik inuussutissarsiummik ilinniagartuutut ilinniakkatut qaffasissusilimmik naleqquttumik naammassinnissimassasoq,
- Ilinniakkamik isissutaasinnaasumik nammassinnereernerup kingorna naleqquttumik perorsaanermi inuussutissarsiornermi minnerpaamik ukiuni 2-ni misilittagaqassasoq,
- Qallunaatut atuarsinnaanermut, paasisinnaanermut oqaasertalersuisinnaanermullu oqaatsitigut piginnaasaqassasoq aamma
- Sulisitsisumut ilinniarnissamut isumaqatigiissuteqassasoq.
PI/SPS-ip aamma qinnuteqartut qulaani piumasaqaatinik naammassinnissimanngitsut tigusinnaavai, kisianni Piginnaanernik Pigineqareersunik naliliineq tunngavigalugu qulaani tiguneqarnissamut piumasaqaatinut taaneqartunut ilinniagaqarnikkut sulinikkullu tunngaveqartutut nalilerneqarpata. Piginnaanernik Pigineqareersunik Nalilersuineq (RKV) PI/SPS-imit suliarineqassaaq ilinniagaqarnermut inuussutissarsiornermullu misilittakkat pillugit uppernarsaatit nassiunneqartut ataatsimut isigineri kiisalu ilinniarnerup aallartinnginnerani oqaloqatigiinneq aamma/imaluunniit tiguneqarnissamut misilitsinneq aallaavigalugit.
Ilinniakkap Sannaa Aaqqissugaaneralu
Ilinniagaq ukiumut ataatsimut annertussuseqartutut aalajangersarneqarpoq katillugu 60 ECTS pointeqartumik, 1.650 tiimit missaanni suliaqarfiusussatut.
• 5 ECTS missaliorlugit 140 sulinermi tiimit
• 10 ECTS missaliorlugit 275 sulinermi tiimit
• 15 ECTS missaliorlugit 415 arbejdstimer
Ilinniagaq ataatsimut katikkaanni ukiuni marlunni sivisussuseqarpoq, ilinniartulli sulisitsisullu pisariaqartitaat naapertorlugu sivisunerusumik ingerlanneqarsinnaalluni. Ilinniagaq modulinut pinngitsoorani marlunnut peqataaffigisassanut, tassa 10 aamma 15 ECTS pointilik, taavalu modulinut toqqarneqarsinnaasunit, tassa 5 aamma 10 ECTS pointilinnut, katitigaasarpoq.
Ukiumut modulit arfinillit arfineq-marlullu akornanni ilinniakkami ingerlanneqartarput. Ilinniagarlu naammassissagaanni 60 ECTS pointit ingerlanneqarsimassapput, imaappoq modulit pinngitsoorani ingerlanneqartussat 25 ECTS pointillit, namminerlu toqqarlugit ingerlanneqarsinnaasut 35 ECTS pointimik nalillit.
Modulit nalinginnaasumik ulluni 4-9-ni sivisussuseqartarput, ilinniartitsinerup saniatigut nammineq ilinniarnissamut pilersaaruteqarpoq, tassani perorsaanermi ilisimasat periutsillu perorsaanilerinermi isikkivinnut atassuserlugit suliarineqartassallutik. Unnukkut aamma sapaatip-akunnerisa naanerini ilinniartitsisoqartarsinnaavoq.
Najuulluni ilinniartitsinerit, onlinekkullu ilinniartitsinerit periutsitut atorneqarsinnaapput.
Modulit akornanni ilinniartoq piffissaliisassaaq ilinniarluni eqimattaqatinut – suliaqarluniluunniit utertitsivigeqatissanut, malitseqartitsinernut modulillu akornanni piareersarnissamut, soorlu atuagarsornissamut, ulluinnarni sulinermi sungiusarnermut, kiisalu allattariarsorluni allatullu pinngitsoorani suliarineqartussanut.
Modulimi misilitsinnerit, modulip tullia ingerlanneqannginnerani, ingerlanneqartassapput.
Modulit Imarisai
Modulit imarisai qaqugu ingerlanneqarnissaanut pilersaarut uani atuarneqarsinnaavoq.
Modulit imarisai nassuiaateqarnerusoq studiehåndbogimi atuarneqarsinnaalluni.
| Moduli | Modulip suussusaa | ECTS point | Ilinniartitseriaaseq | Ilinniartitsisoq |
| Modul 1: Metoder, videnskabsteori og praktisk filosofi i pædagogisk arbejde | Modul pinngitsoorani ingerlanneqartussaq* | 10 | Najuulluni | Benedikte P. Løvstrøm |
| Modul 2: Neuropsykiatriske tilstande | Modul toqqarneqarsinnaasoq | 10 | Online | Eva M. Qvist |
| Modul 3: Motoriske vanskeligheder og multiple funktionsnedsættelser | Modul toqqarneqarsinnaasoq | 10 | Najuulluni (Online) | Eva M. Qvist |
| Modul 4: Tidlig tilknytning og betydningen af manglende tilknytning. | Modul toqqarneqarsinnaasoq | 10 | Najuulluni | Kristine Nielsen |
| Modul 5: Faglig ledelse af pædagogiske processer og samskabende evalueringskultur | Modul toqqarneqarsinnaasoq | 10 | Najuulluni | Looqi Schmidt |
| Modul 6a: Personlig og faglig bevidsthed i pædagogisk arbejde | Modul toqqarneqarsinnaasoq | 5 | Online | Benedikte P. Løvstrøm |
| Modul 6b: Udsathed som bevægelig position | Modul toqqarneqarsinnaasoq | 10 | Online | Benedikte P. Løvstrøm |
| Modul 7: Kommunikationsformer og fortællinger som pædagogiske metoder | Modul toqqarneqarsinnaasoq | 10 | Najuulluni | Benedikte P. Løvstrøm |
| Modul 8: Legens betydning for børns udvikling og personalets rolle i forhold til leg | Modul toqqarneqarsinnaasoq | 10 | Najuulluni | Benedikte P. Løvstrøm |
| Modul 9: Friluftslivets aktiviteter – mod og mestring i naturen | Modul toqqarneqarsinnaasoq | 10 | Najuulluni | xx |
| Modul 10a: Sundhed og seksualitet | Modul toqqarneqarsinnaasoq | 5 | Online | Benedikte P. Løvstrøm |
| Modul 10b: Sansemæssige funktionsnedsættelser | Modul toqqarneqarsinnaasoq | 5 | Online | xx |
| Modul 11a: Social innovation, forandringsprocesser og motivation i pædagogisk arbejde | Modul toqqarneqarsinnaasoq | 5 | Online | Benedikte P. Løvstrøm |
| Modul 11b: Konflikthåndtering og pædagogisk faglig sparring | Modul toqqarneqarsinnaasoq | 5 | Online | Benedikte P. Løvstrøm |
| Modul 12: Familierådslagning | Modul toqqarneqarsinnaasoq | 10 | Najuulluni | Benedikte P. Løvstrøm & xx |
| Modul 13: Afgangsprojekt for Pædagogisk Diplomuddannelse | Modul pinngitsoorani ingerlanneqartussaq* | 15 | Online / Najuulluni | Benedikte P. Løvstrøm & xx |
- * Perorsaanilerinermi Diplomimut ilinniarneq allagartaqarfigilerniaraanni.
Suliffissat Ingerlariaqqiffissallu
Ilinniakkamik naammassinnereernermi ukunani atorfininniarsinnaavutit:
- Ulluunerani paaqqinnittarfinni
- Ullukkut unnuakkullu paaqqinnittarfinni
- Minnerit atuarfianni
- Innarluutilinni
- Utoqqarni
- Pinerluttunik isumaginnittoqarfimmi
- Siunnersuinermi pitsaaliuinermilu suliaqarneq
Paasissutissat
Ilinniagaq ilaatigut kalaallisut aamma qallunaatut ingerlanneqassaaq – ilinniartitsisut aallaavittut kalaallisut oqaluttuussapput. Sungiusarnerit oqallinnerillu kalaallisut ingerlanneqarsinnaapput. Atuakkat teoriillu amerlanerpaartaat qallunaatut allassimassapput, ilaatigulli kalaallisut allatat, nalunaarusiat il.il. ilanngunneqarsinnaapput, soorlu aamma allatanik atugassanik tuluttut allassimasunik takkuttoqarsinnaasoq. Allattariarsorluni suliassat aallaavittut qallunaatut tunniunneqartassapput.
Ilinniartut modulini najuuffissani Ilulissani Perorsaanermik Ilinniarfimmi ilinniariartorlutik katersuuttassapput, ilinniakkami pingaaruteqarluinnarmat, ilinniartut nalinginnaasumik suliffimmi avatangiisimilu avataani ilinniarfimmi naapittarnissaat, taamaasillutik akornusersorneqarnatik ilinniarnermut suliatigullu misileraanernut pulalluarsinnaaniassammata.
Onlineikkut ilinniartitseriaatsimi ilinniartup qarasaasiamik, iPadimik assigisaanillu atuisinnaanissaa piumasaqaataavoq, ilinniartitsinermi malinnaanissamut ilinniaqatillu sungiusarnermi, oqalliseqatiginerani suliaqarnermiluunniit attavigisinnaanissaat pillugu.
Naatsorsuutigineqassaaq modulini misilitsinnerit onlinekkut ingerlanneqartassasut.
Qinnuteqarneq akissutisinissarlu
Perorsaanilerinermi Diplomimik ilinniarnermi siulliit malillugit akuersisoqartarpoq. Ilinnialersussat, ilinniagaq tamaat tigullugu, salliutinneqartarput, modulini ataasiakkaani tigusiniartuniit; taamaalilluni “inissat sinneruttut” neqeroorutigineqartarlutik.
Qinnuteqaatit kingusinnerpaamik illoqarfigisanni Majoriamit tiguneqareersimassaaq.
Ukiormanna hold aallartittusanut qinnuteqartitsineq kinguarpoq, kingusinnerpaamik 3. november 2025 qinnuteqartoqassalluni.
Tamanna aamma modulinut ataasiakkaaginnarnut peqataarusuttunut atuuppoq.
Qinnuteqaatinut akissutit ingerlaartuartuusarput, modulinut ataasiakkaanut qinnuteqaruit, ilinniarnerup aallartinnissaa qaammat ataaseq sioqqullugu akissutip pissarsiarinissaa naatsorsuutigissavat. Piffissami tassani tusagaqarsimanngikkuit PI/SPS-mi ilinniartut allaffeqarfiannut saaffiginninnissarnut tikilluaqqusaavutit.
Paasissutissat naatsut
- Ilinniarnerup sivisussusaa: Ukiut 2
- Optag: Siullernut
- Qinnuteqarfissaq kingulleq: 3. November 2025
- Aningaasarsiat: Sulisitsisoq
Ilinniartitaanerup aaqqissuussaanera allakkiallu allat:
Immikkut pisariaqartitsisunut moduulit
Pineqartut
Pikkorissartut inuussutissarsiornermi ingerlariaqqiffiusumik ilinniarfimmik attuumassutilimmik isissutaasinnaasumik minnerpaamik inuussutissarsiornermi ilinniagartuutut ilinniarnermik naammassinnissimassapput, minnerpaamik ilinniarnermik isissutaasinnaasumik naammassinninnerup kingorna perorsaanermut tunngatillugu ukiuni marlunni inuussutissarsiornikkut misilittagaqarsimassapput, kiisalu qallunaatut atuarnissamut, paasinissamut oqaasinngortitsinissamut tunngatillugu oqaatsitigut piginnaasaqassapput, aamma sulisitsisuminik ilinniarnermut tunngatillugu isumaqatigiissuteqassapput.
Akuerisaaneq
Ilinniagaq ukiumut ataatsimut annertussuseqartutut aalajangersarneqarpoq katillugu 60 ECTS pointeqartumik – katillugit 1.650 tiimit missaanni suliaqarfiusussatut. Ilinniagaq ukiuni 2-ni sivisussuseqarpoq. Ilinniagakkamut tamarmiusumut qinnuteqartut salliutinneqartarput, inissaqartilluguli modulit ataasiakkaarlugit pikkorissarnertut qinnutigineqarsinnaallutik.
Aqqissuunneqarnera
Modulit nalinginnaasumik ulluni 7-9-ni sivisussuseqartarput, atuartitsinerup saniatigut nammineq ilinniarnissamut pilersaaruteqarpoq, tassani piginnaasakinnerusunik perorsaanermit isiginnittaatsinut toqqakkanut atatillugu perorsaanermi ilisimasat periutsillu sulissutigineqartassallutik. Unnukkut aamma sapaatip-akunnerisa naanerini atuartitsisoqartarsinnaavoq.
MODULIT IMARISAI
Immikkut pisariaqartitsisunut sammilivimmik perorsaanilerineq
Immikkut pisariaqartitsisunik Perorsaasunngorniarnermik Ilinniagaq inuussutissarsiornermut, aalajangersimasumik sammivilimmik aamma ineriartornermik tunngaveqartumik ingerlariaqqiffiusumik ilinniagaavoq, sulisunut aalajangersimasumik sammiviit iluanni, inunnik perorsaanermik suliaqartunut ilinniagaqarsimasunut sammivilik. Ilinniarnermut tamakkiisumut qinnuteqartut salliutinneqartarput, inissaqartoqartilluguli moduulit ataasiakkaatut qinnuteqarfigineqarsinnaasarlutik.
Modul 1:Nalitsinni piginnaasakinnerusunik perorsaanermut ilisarititsineq. Ilisimatusarnermi teorii aamma periutsit
Inatsisartut inatsisaat, Inuit Pisinnaatitaaffii, FN-imi isumaqatigiissutit aamma nunarsuarmi anguniakkat, il.il.
Sulinermi ileqqorissaarneq aamma suliassanut paasinninneq – Piginnaasakinnerusunik perorsaanermi tunngaviusumik naleqartitat.
Perorsaanermi professionaliuneq aamma inuttut peqataanermik isummersorneq.
10 ECTS
Piffissaq:
24.11.25 – 04.12.25
(Arfininngorneq ilanngullugu)
Sap. ak. 48 aamma 49
Modul 2: Qaratsakkut tarnip pissusaani pissutsit
Isumaginninnermi perorsaanermi isiginnittaatsit kiisalu periutsit sullinniakkanut assigiinngitsunut perorsaanermi sulinermi, soorlu ass. Innuttaasut tulliuttunik nappaatillit ADHD, Autisme Spektrum Forstyrrelser (ASF), skizofreni aamma bipolare lidelser. Inuunermit isiginnittaaseqarluni isumaginnissinnaaneq piginnaasanullu periarfissat
10 ECTS
Piffissaq:
26.01.26 – 04.02.2026
Sap.ak 5-6
Modul-imi misilitsinneq sap.ak 7-imiit sak.ak 10 ilanngullugu
Annerusumik paasissutissat pikkorissarneq pillugu – Una TOORUK (PDF)
Peqataanissamut nalunaarneq:
Qinnuteqarfissaq kingulleq
09. Januar 2026, Nal. 12:00
Digital-imik nalunaarneq – Una TOORUK
Atorfiup qinnuteqartullu akornanni isumaqatigiissut/Qinnuteqartumit uppernarsaat (Qallunaatut)
– kursus@pi.sps.gl -imut nassiunneqassaaq – Una TOORUK
Tamarmik immersussapput
Modul 3: Avatinik atuisinnaanikkut ajornartorsiuteqarneq aamma arlariinnik pisinnaasakinneq
Modul 3-mi meeqqani, inuusuttuni inersimasunilu avatinik atuisinnaanikkut ajornartorsiuteqarneq aamma arlariinnik pisinnaasakinneq sammineqarput. Modulimi taama inissisimaffinnut pissutaasut, avatinik atuinermi ineriartorneq, timi, aalaneq attaveqatigiinnerlu pillugit teoriinik ilisimasaqalersitsissaaq. Taakku saniatigut ilinniartup inuuneq naallugu ilikkariartorneq tapersersussavaa, sammisamik suliaqartunik suleqateqarneq sullitallu isiginnittaasii ilaatillugit, tapersersueriaatsinik inerisaaqataasinnaaneq sammissavaa.
10 ECTS
Piffissaq:
16.03.26 – 24.03.26
Sap.ak 12-13
Modul-imi misilitsinneq sap.ak 14-imiit sak.ak 17 ingerlatsiviussaaq
Annerusumik paasissutissat pikkorissarneq pillugu – Una TOORUK (PDF)
Peqataanissamut nalunaarneq:
Qinnuteqarfissaq kingulleq
20.02.26 Nal. 12:00
Digital-imik nalunaarneq – Una TOORUK
Atorfiup qinnuteqartullu akornanni isumaqatigiissut/Qinnuteqartumit uppernarsaat (Qallunaatut)
– kursus@pi.sps.gl -imut nassiunneqassaaq – Una TOORUK
Tamarmik immersussapput
Modul 4: Siusissumik atassuteqalerneq aamma atassuteqannginnerup isumaa
Modul 4-mi meeqqap tarnikkut, timikkut, inooqataanikkut aamma misigissutsikkut ineriartorneranut siusissukkut atassuteqarnerup pingaaruteqarluinnarnera pingaarnertut sammineqarpoq. Ilaatigut meeqqamik pingaarnertut isumaginnit-tuusut siusissukkut meeqqamut atassuteqalertarneri qanoq ilusilersueqataasar-nersut, meeqqap eqqarsartaatsikkut peqqissusaanut, atassuteqarneranut, pissusilersorneranut aamma misigissutsiminik naleqqussaasinnaaneranut. Tamatuma saniatigut atassuteqarnikkut amigaateqarnerup sunniutai misissorneqassapput, meeraanermi kingusinnerusukkullu inersimasunngornermi.
10 ECTS
Piffissaq:
04.05.26 – 08.05.26
Sap. ak. 19
Modul-imi misilitsinneq sap.ak 20-imiit sak.ak 24 ilanngullugu
Annerusumik paasissutissat pikkorissarneq pillugu – Una TOORUK (PDF)
Peqataanissamut nalunaarneq:
Qinnuteqarfissaq kingulleq
10.04.26 Nal. 12:00
Digital-imik nalunaarneq – Una TOORUK
Atorfiup qinnuteqartullu akornanni isumaqatigiissut/Qinnuteqartumit uppernarsaat (Qallunaatut)
– kursus@pi.sps.gl -imut nassiunneqassaaq – Una TOORUK
Tamarmik immersussapput
Modul 5: Perorsaanikkut suleriutsinik aqutsineq aamma nalilersueriaaseq ataatsimoortitsisoq
Modul 5-imi ukkatarineqarpoq suliassaqarfimmi aqutsinerup, perorsaanermik suliaqarnerup ineriartortinneqarnera, isumaqarluartumik uppernasaateqarnikkut aammalu suleqatigiisitsisumik nalilersuisarnikkut. Ilinniartup perorsaanermik suliaqarnermi qanoq suleriaatsit aammalu sulinermi ataatsimoorfiusumik pilersitsisoqarsinnaanersoq sammissavaa. Tamatuma saniatigut perorsaanermik suliaqarnermi suleqatit,, aqutsisut imaluunniit meeqqat, atuisut innuttaasulluunniit isiginnittaasiinik peqataatitsinerup pingaaruteqassusia erseqqissarneqassaaq.
10 ECTS
Piffissaq:
10.08.26 – 18.08.26
(Arfininngorneq ilanngullugu)
Sap.ak 33-34
Modul-imi misilitsinneq sap.ak 35-imiit sak.ak 38 ilanngullugu
Annerusumik paasissutissat pikkorissarneq pillugu – Una TOORUK (PDF)
Peqataanissamut nalunaarneq:
Qinnuteqarfissaq kingulleq
19.06.26 Nal. 12:00
Digital-imik nalunaarneq – Una TOORUK
Atorfiup qinnuteqartullu akornanni isumaqatigiissut/Qinnuteqartumit uppernarsaat (Qallunaatut)
– kursus@pi.sps.gl -imut nassiunneqassaaq – Una TOORUK
Tamarmik immersussapput
Modul 6a: Perorsaanermi inuttut aamma suliaqartutut ilisimaarinnissuseq
Modul 6a-mi pingaartinneqarpoq ilinniartup perorsaanilerinermi sulinermini aamma inuttut imminut ilisimaarinerata nukittorsarnissaa, taamatullu suliaqarfimmi ilinniarsimasut allat suleqatigalugit ilinniarsimasutut kinaassutsiminik inerisaanissaa. Modulimi ileqqorissaarnikkut akunnattoorfiusunik pisariusunillu suliassaqartassaaq, namminermut, inuttut aamma ilinniarsimasutut pissusilersuutitigut assigiinngissutsit sammineqassallutik. Suleqatinik, aqutsisunik, meeqqanik, inuusuttunik imaluunniit inersimasunik aammalu taakkua qanigisaannik imaluunniit angajoqqaavinik suleqateqarneq sammineqassaaq, perorsaanermi inuttut aamma suliaqartutut ilisimaarinnissusermut tunngatillugu.
5 ECTS
Piffissaq:
28.09.26 – 01.10.26
Sap.ak 40
Modul-imi misilitsinneq sap.ak 42-imiit sak.ak 45 ilanngullugu
Annerusumik paasissutissat pikkorissarneq pillugu – Una TOORUK (PDF)
Peqataanissamut nalunaarneq:
Qinnuteqarfissaq kingulleq
11.09.26 Nal. 12:00
Digital-imik nalunaarneq – Una TOORUK
Atorfiup qinnuteqartullu akornanni isumaqatigiissut/Qinnuteqartumit uppernarsaat (Qallunaatut)
– kursus@pi.sps.gl -imut nassiunneqassaaq – Una TOORUK
Tamarmik immersussapput
Modul 6b: Eqqugaaqqasutut inissisimaffik allanngorsinnaasoq
Moduli aqqutigalugu eqqugaaqqaneq allanngorartutut inissisimaffittut misissorneqarpoq, piffissap ingerlanerani aammalu pissutsit tunngavigalugit allanngorarsinnaasoq. Modulimi meeqqani, inuusuttuni imaluunniit inersimasuni qajannaassuseq aamma tarnikkut qajannaassuseq siuarsarniarlugit eqqugaaqqaneq, aarlerinaatit aammalu perorsaanikkut iliuusissiat pinaveersaartitsisut assigiinngitsut sammineqassapput. Eqqarsartaatsimut tunngatillugu attaveqaqatigiinneq aamma ilaqutariinnik suliaqartunillu suleqateqarneq taamatullu sullissisup inissisimaffiani inuit ataasiakkaat unamminartut pillugit iliuuseqarsinnaanerinik perorsaasup nukittorsaanissaa pingaartinneqarluni.
10 ECTS
Piffissaq:
02.10.26 – 07.10.26
Sap.ak 41
Modul-imi misilitsinneq sap.ak 42-imiit sak.ak 45 ilanngullugu
Annerusumik paasissutissat pikkorissarneq pillugu – Una TOORUK (PDF)
Peqataanissamut nalunaarneq:
Qinnuteqarfissaq kingulleq
18.09.26 Nal. 12:00
Digital-imik nalunaarneq – Una TOORUK
Atorfiup qinnuteqartullu akornanni isumaqatigiissut/Qinnuteqartumit uppernarsaat (Qallunaatut)
– kursus@pi.sps.gl -imut nassiunneqassaaq – Una TOORUK
Tamarmik immersussapput
Modul 8: Pinnguarnerup meeqqap ineriartorneranut isumaa aamma pinnguarneq pineqartillugu sulisut atuuffiat
Modul 8-mi pingaarnertut pinnguarneq inuup tunngaviusumik sammisaatut, meeqqat inuunerannut ineriartornerannullu aalajangiisuusumik inissisimasoq sammineqarpoq. Modulimi pinnguarnerup pissusissamisoortumik qanoq ittuunera, periarfissiinera, ilikkariartornermullu, nalerisimaarnermut aamma inooqataanermut pingaaruteqarnera erseqqissarneqarpoq. Tamakkua saniatigut modulip ingerlanerani ilinniartup misissussavai nammineq aamma perorsaanermik suliaqartut allat meeqqerivinni meeqqanut isumassarsiorfiusumik tapersersuiffiusumillu pinnguarnermik pilersitsinerminni atuuffitik.
10 ECTS
Piffissaq:
09.05.26 – 13.05.26
(Arfininngorneq ilanngullugu)
Sap.ak 19-20
Modul-imi misilitsinneq sap.ak 20-imiit sak.ak 24 ilanngullugu
Annerusumik paasissutissat pikkorissarneq pillugu – Una TOORUK (PDF)
Peqataanissamut nalunaarneq:
Qinnuteqarfissaq kingulleq
10.04.26 Nal. 12:00
Digital-imik nalunaarneq – Una TOORUK
Atorfiup qinnuteqartullu akornanni isumaqatigiissut/Qinnuteqartumit uppernarsaat (Qallunaatut)
– kursus@pi.sps.gl -imut nassiunneqassaaq – Una TOORUK
Tamarmik immersussapput