Ilinniartut ineqarfianni ulluinnarsiutaasumik inuit amerlasuut najugaqatigissavatit. Sapaatip akunneri 20 imaluunniit ukiut 3½ ilinniagaqarniaruit, ilinniarnerup nalaani kollegiani najugaqarneq inuunernut ilaalluinnartussaavoq.
Ilinniartut ineqarfii
Ilinniartut ineqarfianni ulluinnarsiutaasumik inuit amerlasuut najugaqatigissavatit. Inuit taama amerlatigisut najugaqatigilernissaa nuannersuullunilu unamminartuusinnaavoq inuunermullu allanngueqataasinnaalluni. Inunnik naapitsinissamut ilikkagassat ilarivaat ammasuunissat, qanilaartuunissat aamma akaarinnittuunissat; tamannali annertuumik pissarsiaqarnartuuvoq. ineqarfeqatit assigiinngittukkaaramik aamma akisussaaffeqarneq, innimittarneq ataqqinninnerlu pisariaqarpoq. Ingammik ilinniakkeriniartut ataqqineqartariarput.
Ilinniartut amerlanerit ilinniaqatiminnut qaninnissartik pingaartippaat ulluinnarni ilinniarnermi pimoorussinermut tapersersueqataasarmata. Allat atuarnerup kingorna inigisami ilinniakkerinerminni itisiliinissartik kisimiissinnaanissartillu pingaartippaat. Tamakkulu oqimaaqatigiilersinniarlugit ataqqineqartariaqarput.
Siullermeerlutit angerlarsimaffiit qimassimagukku sorpassuit isumaginissaat paasiniassavat immaqalu aamma siullermernit annertunerusumik imminut akisussaaffigilissallutit.
Ineqarfinni ineqaruit ineqarfinni maleruagassat eqqortinnissaat pisussaaffigivat, eqqortinngikkaannimi anisataanermik kinguneqarsinnaagami. Taamak pisoqassagaluarpat ineqarfinni inimik allamik inissaqanngilaq.
Ilinniartut ineqarfii sulisoqarput ineriartornermi tassani ikiuussinnaasunik tapersersuisinnaasunillu aammalu tamaat ataatsimut isigalugu avatangiisit inuuffigiuminartut pilersinnissaannut suleqataasinnaasunik. Suleqatigiillusi sulisullu peqatigalugit ilinniartut ineqarfiat tassaalersissinnaavarsi ilinniarneq pillugu najortariaqakkamit allaanerusoq.
Neriuppugut tamassi ilinniartut ineqarfianni pitsaasumik avatangiiseqarnissaq peqataaffigiumaarissi.
Ilulissani ilinniartut ineqarfii
Ilulissani ilinniartut ineqarfippassuaqarpoq. Ilinniarnikkaarlugit ineeqqamik/inissiamik pissarsissaatit. Sorlermi ineqarfimmi najugaqarusunneq nammineq aalajangerneqarsinnaanngilaq. PI/SPS-imi 2-rumsinik inissiaateqarpoq, aappariinnoortunik kiisalu kisimiittunoortunik inissiaqarluni.
Perorsaasutut sammivilimmik ilinniartut Qoororsuarmi ineqartinneqartarput. Ilinniartut ukiut 3 ½ ilinniartussat meeqqatik/ilaquttatik ilagissagunikkit kollegielejlighedemiitsinneqassapput. Inissiat 2-rumsinik angissuseqarput. Aappariit aappariit inaanni, kisimiittullu kisimiittut inaannut inissinneqartarput. Ineqarfiit tamarmik isersimaartarfeqarput ataatsimoorussamik kiisalu errorsisarfeqarlutik errorsivittalimmik opgangimi.
Isumaginninnermik ikiortinngorniat qitiusumik ilinniarfimmi ilinniartut Marralinnguami ilinniartut inaataanniitsinneqartarput, taakkualu ineeqqami taamaallaat ataasiakkaarlutik ineqartarlutik. PI/SPS isumaginninnermi ikiortinngorniat meerai ilaqutaalu inissaqartinngilaat.
Najugaqartut siunnersuisoqatigiivi opgangikkaarlutik ataatsimiittarput, tassani ineqartut tamarmik peqataatinneqartarlutik. Kollegielejlighedimiittuttaaq aamma ataatsimiittarput.
Paasissutissat
Akiligassat
Inersimasoq 850,-
Naalakkersuisuniik akiligassaq tingusani atorlugu akilertassaaq imaluunniit aningaasarivimmi konto 6471-
1023850. Akiliinermi allanneqassaaq inuup normua PI/SPS-millu naggaserlugu . (XXXXXX-XXXXPI/SPS)
Nutserneq. Assartuussineq
Perorsaasutut ilinnialertussanut, Ilulissiaqatissarnik ilaqutaqaruit containerimik annerpaamik tunisissinnaavutit 5,46 m3 imaluunniit nassiussassaqaruit max 6 m3-mik angissusilimmik.
Nammineerlutit pisattavit poortornissaa isumagissavat kiisalu poortornerata aningaasartuutaa akilissallugu. Containerikkut nassiussiniaruit PI/SPS attavigissavat pisattanillu assartuussinermi qinnuteqaat immersugassaq immersorumallugu.
Tassa imaappoq; nammineerlutit atugassatit taamaallaat maannaleruit nassassavatit.
Oldfrue
Ilinniartut ineqarfiinut nutsernernut atatillugu suliassat suliarisarpaat.
Pedelit:
Ilinniartut ineqarfiinut nutsernernut atatillugu suliassat suliarisarpaat. Taakkununnga ilaapput aamma ilinniartut ineqarfiini aaqqissugassanik suliaqarneq.
Pisattat angallanneri
Pisattat angallannerinut tunngatillugu apeqqutigineqarnikuuvoq ilinniartut namminneq poortorneri aammalu container asannissai isumagisassarineraat.
Ilinniagaqarnersiutit pillugit Namminersorlutik Oqartussat nalunaarutaat nr. 9, ulloq 19. juli 2017-imeersoq § 45 imm. 3 ima allaqqavoq:
Imm. 3. Ilinniagaqartut Kalaallit Nunaaliartut Kalaallit Nunaanneersulluunniit pisataannik angallassineq akilerneqaraangat, poortuinermut puuiaanermullu aningaasaliineq ilanngunneqartarpoq.
Taamaammat Kalaallit Nunaata iluani tamanna poortuineq puuiaanerlu ilaanngilaq, taamatuttaaq container-ip asannissaa ilaanani. Container eqqiartariaqarsimappat ilinniartullu nammineq akilersimanagu, taava ilinniartoq akiligassinneqassaaq ilinniagaqarnersiuteqartitsivimmiit, tamanna atuarfiup Ilinniagaqarnersiuteqartitsivimmut nalunaarutigissavaa.
Tamanna ilinniartut ilinniagaqarnersiutinik pisinnaasaanut allaffigileraangassigit ilanngullugu nalunaarutigineqartassaaq.
Kollegianut tunngasunik immersugassat
KOLLEGIANUT TUNNGASUNIK IMMERSUGASSAT
Ileqqoreqqusat malittarisassallu
Kollegiani najugaqalernermut isiginnaagassiaq
Isiginnaagassiaq takujuk kollegianut najugaqalernermut tunngasoq – Suut piareersimaffigisassaappat? Ass. Ilinnialernissamut ilinniarfissamiit akuerisaassummik allagarsisimagaanni?
SPS Nuummi KAF-ituulli assiganik periuseqarpoq – Taamaattumik kollegiani najugaqalernissamut malittarisassat assigiinngitsut ilisimanerulerusullugit una isiginnaagassiaq takujuk.